टीम मंगळवेढा टाईम्स ।
एखाद्या गुन्ह्याची तक्रार देणाराच जर त्या गुन्ह्याचा खरा सूत्रधार निघाला तर? असाच काहीसा धक्कादायक प्रकार मंगळवेढा परिसरात उघडकीस आला आहे. ९० हजार रुपयांची लूट झाल्याचा बनाव रचणाऱ्या चालकाला मंगळवेढा पोलिसांनी मोठ्या शिताफीने बेड्या ठोकल्या असून, सर्व रक्कम हस्तगत केली आहे.
कर्नाटक राज्यातील सागर येथील रहिवासी असलेला चालक इमतियाज महमद हुसेन (वय ४०) याने २१ एप्रिल रोजी पोलिसांत तक्रार दिली होती. त्याने सांगितले की, मालकाने द्राक्षे खरेदीसाठी दिलेले ९०,००० रुपये घेऊन तो बोलेरो पिकअपमधून जात असताना, विठ्ठल चव्हाण यांच्या शेताजवळ दुचाकीवरून आलेल्या दोघांनी त्याला अडवले.
आपण पोलीस असल्याचे सांगून आणि ओळखपत्र दाखवून गाडीची झडती घेण्याच्या बहाण्याने त्यांनी सीटखालील रोकड पळवून नेली.
कसा फुटला वाचा?
गुन्ह्याचे गांभीर्य ओळखून पोलीस अधीक्षक अतुल कुलकर्णी यांच्या मार्गदर्शनाखाली पथकाने तातडीने तपास सुरू केला. पोलिसांनी परिसरातील १९ हून अधिक सीसीटीव्ही कॅमेरे तपासले आणि तांत्रिक विश्लेषण केले.
तपासादरम्यान फिर्यादी चालकाने सांगितलेली वेळ आणि सीसीटीव्ही फुटेज यामध्ये मोठी तफावत दिसून आली.
संशय बळावल्याने पोलिसांनी इमतियाजची कसून चौकशी केली. सुरुवातीला त्याने उडवाउडवीची उत्तरे दिली, मात्र पोलिसांनी खाक्या दाखवताच त्याने आपला गुन्हा कबूल केला.
मालकाच्या विश्वासाला तडा
तपासात निष्पन्न झाले की, कोणतीही लूट झाली नव्हती. मालकाने विश्वासाने दिलेले पैसे स्वतःकडे ठेवण्यासाठी चालकाने लुटीचा खोटा बनाव रचला होता. पोलिसांनी आरोपीकडून चोरीला गेलेली संपूर्ण ९०,००० रुपयांची रोकड हस्तगत केली आहे.
पोलीस कारवाई
या यशस्वी कारवाईत पोलीस निरीक्षक दत्तात्रय बोरिगिड्डे, पोसई नागेश बनकर, पोहेकॉ कोळी, पवार, शिंदे यांच्या पथकाने महत्त्वाची भूमिका बजावली. आरोपीला न्यायालयाने २७ एप्रिलपर्यंत पोलीस कोठडी सुनावली आहे.
गुन्हेगार कितीही हुशार असला तरी कायद्याच्या हातातून सुटू शकत नाही, हे पुन्हा एकदा सिद्ध झाले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
