टीम मंगळवेढा टाईम्स।
डोंगरगाव हेंबाडे वस्ती येथे श्री ची पूजा ओबीसी मोर्चा सोलापूर जिल्हा अध्यक्ष विवेक खिलारे याच्या हस्ते संपन्न झाली.
यावेळी सर्व ग्रामस्थ तसेच मंडळाचे अध्यक्ष बापू हेंबाडे, सोमनाथ इंगळे, संजय डोंगरे, बंडू हेंबाडे, हणमंत हेंबाडे,संभाजी हेंबाडे, किसन हेंबाडे,पोपट हेंबाडे,बजिरंग हेंबाडे,दत्ता हेंबाडे,बाळू हेंबाडे,इतर सर्व पदाधिकारी उपस्थित होते.
विवेक खिलारे बोलताना म्हणाले की, गावातील विकासासाठी मी सदैव तत्पर असून रस्ते, विज, पाणी हे प्रश्न तातडीने मार्गी लागत आहेत.
येणाऱ्या काळामध्ये गणपती बाप्पाने पाऊस पाडावा शेतकऱ्यांचे कल्याण करावे अशी मागणी देखील त्यांनी यावेळी केली.
मंगळवेढा शहर व तालुक्यात पावसाच्या आशेवर लाडक्या गणरायाचे उत्साहात स्वागत करण्यात आले तर चिमुकल्यांनी आमच्या पप्पांनी गणपती आणला’ अशा उत्साही गाण्याच्या तालावर दुष्काळी परिस्थितीत गणरायाचे स्वागत केले.
गणरायाच्या स्वागतासाठी मंगळवेढा शहरातील बाजारपेठ सज्ज झाली आहे. गणपती प्रतिष्ठापनेसाठी आवश्यक असणारे साहित्य जुन्या पोलिस स्टेशनच्या परिसरामध्ये विक्रीस खरेदीसाठी मोठी झुंबड उडाली.
ग्रामीण भागात टमटम, ट्रॅक्टर, रिक्षा व दुचाकीवरून मंगळवेढा शहरातून गणपती वाजत गाजत नेले जात सांगोला येथून गणपती मूर्ती आणल्या. पूजा आरास व आगमनापर्यंत चालणार असल्यामुळे ग्राहक प्रत्येक वस्तू पारखून घेत आहेत. घरोघरी गणपतीचे स्वागत करताना अनेकांनी त्यांचे व्हिडिओ काढून आमच्या पप्पांनी गणपती आणलाय’ या गाण्याचे टेटस ठेवले.
शहर व ग्रामीण भागात सार्वजनिक २०८ गणपतीची प्रतिष्ठापना झाली आहे परवाने दुपारपर्यंत वितरित करण्यात आले. ऑनलाइन संकेतस्थळ संथ रात्री उशिरापर्यंत परवाने देण्याचे काम सुरूच असल्याचे गुप्त वार्ता विभागाचे दिगंबर गेजगे यांनी सांगितले.
गणेशोत्सव काळात कोणताही अनुचित प्रकार घडू नये म्हणून एक पोलिस निरीक्षक, सात सहायक पोलिस निरीक्षक व उपनिरीक्षक, ४१ पोलिस कर्मचारी, २५ होमगार्ड असा बंदोबस्त तैनात करण्यात आला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
