टीम मंगळवेढा टाईम्स | सांगोला
रुबी हॉस्पिटलमध्ये उपचारासाठी अपॉइंटमेंट असलेल्या घेण्याच्या प्रयत्नात गिफ्ट हाऊस व्यावसायिकाच्या कुटुंबाला एपीके फाइलची लिंक पाठवून त्यांच्या बँक खात्यातून तब्बल ५ लाख ८१,३२२ रुपये काढून घेतल्याचा प्रकार सांगोल्यात घडला. याप्रकरणी माधुरी बिरगे यांनी सांगोला पोलिसांत अज्ञात व्यक्तीविरुद्ध फिर्याद दिली आहे.
पोलिसांनी दिलेल्या माहितीनुसार, बिरगे कुटुंबाचे सांगोला शहरातील एसटी स्टँडसमोरील भोपळे रोडवर गिफ्ट हाऊस आहे. मन्मथ बिरगे यांच्या हाताच्या उपचारासाठी २१ सप्टेंबर रोजी पुण्यातील रुबी हॉस्पिटलमध्ये जाण्याचे नियोजन होते.
त्यासाठी सकाळी सुमारे सात वाजता त्यांच्या मुलीने गुगलवरून हॉस्पिटलचा संपर्क क्रमांक शोधला. त्यावर फोन केल्यानंतर समोरील व्यक्तीने आपण रुबी हॉस्पिटलमधून बोलत असल्याचे सांगितले.
डॉक्टरांची अपॉइंटमेंट घेण्यासाठी व्हॉट्सअॅप क्रमांक मागून घेतल्यानंतर संबंधित व्यक्तीने एका क्रमांकावरून एपीके फाइलची लिंक पाठवली. त्यामध्ये रुग्णाची माहिती
भरून पाच रुपये ऑनलाइन भरण्यास सांगण्यात आले. मात्र पाच रुपयांचे पेमेंट झाले नाही. याबाबत फोनवरून सांगितल्यानंतर संबंधित व्यक्तीने ‘राहू द्या’ असे सांगून फोन बंद केला.
दरम्यान, २४ सप्टेंबर रोजी सकाळी ८.५२ ते दुपारी १२ वाजेपर्यंतच्या कालावधीत बिरगे यांच्या युनियन बँक खात्यातून २८,९४८, ४,९९९.१२, ९९,९९९, ३०,५४६ आणि १ लाख २५, २७४ रुपये वेळोवेळी वळते करून घेतले.
फिर्यादीत नमूद केलेल्या व्यवहारांनुसार एकूण ५ लाख ८१,३२२ रुपये काढण्यात आली. बंधित अज्ञात व्यक्तीविरुद्ध कारवाई करण्याची मागणी केली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
