पहिले लग्न आणि मुलगीही लपवली! नवरी नटून पोहोचली थेट जेलमध्ये; ३ मध्यस्थांवर गुन्हा दाखल; मंगळवेढ्यात लग्न फसवणुकीचा मोठा भांडाफोड

टीम ​मंगळवेढा टाईम्स ।

लग्न जुळत नसल्याचा गैरफायदा घेऊन एका तरुणाला तब्बल १ लाख ५० हजार रुपयांना गंडा घातल्याचा धक्कादायक प्रकार मंगळवेढ्यात उघडकीस आला आहे.

महिलेचे आधीच लग्न झाले असून तिला पहिल्या पतीपासून एक मुलगी आहे, ही बाब पूर्णपणे लपवून हा विवाह सोहळा ठरवण्यात आला होता. याप्रकरणी मंगळवेढा पोलिसांनी ‘नवरी’ला अटक केली असून, तिला मदत करणाऱ्या इतर तीन आरोपींचा शोध सुरू आहे.

​नेमकी घटना काय?

​बावची येथील फिर्यादी नामदेव जाधव (वय ३८) यांचे लग्न जमत नसल्याने ते मुलीच्या शोधात होते. याचाच फायदा घेत रड्ढे येथील काही मध्यस्थांनी त्यांची ओळख अश्विनी मारुती दानोळे (रा.देवरुख) हिच्याशी करून दिली.

अश्विनी हिच्यासोबत लग्न जमवून देण्याच्या बहाण्याने आरोपींनी फिर्यादी कडून १ लाख ५० हजार रुपये रोकड घेतली.

​असा फुटला भांडाफोड!

​पैसे घेतल्यानंतर संशयास्पद बाबी समोर आल्या. आरोपी नवरी अश्विनी हिचे यापूर्वीच लग्न झाले होते आणि पहिल्या पतीपासून तिला एक मुलगीही आहे.

ही अत्यंत महत्त्वाची माहिती सर्व आरोपींना ठाऊक असतानाही त्यांनी फिर्यादीपासून ती पूर्णपणे लपवून ठेवली आणि आर्थिक फसवणूक केली. आपली फसवणूक झाल्याचे लक्षात येताच नामदेव जाधव यांनी तातडीने पोलिसांत धाव घेतली.

​’नवरी’ गजाआड, ३ साथीदार फरार!

​फिर्यादीच्या तक्रारीवरून मंगळवेढा पोलीस ठाण्यात नवरीसह चौघांविरुद्ध गुन्हा दाखल करण्यात आला आहे.

​अटक आरोपी: नवरी अश्विनी मारुती दानोळे (रा. देवरुख) हिच्या पोलिसांनी मुसक्या आवळल्या आहेत. पिंटू उर्फ नाना कोळेकर याला अटक केली आहे.

​फरार आरोपी: शिवाजी कोळेकर आणि युवराज कांबळे (सर्व रा. रड्ढे) हे दोघे जण सध्या फरार असून पोलीस त्यांचा कसून शोध घेत आहेत.

​या घटनेमुळे परिसरात लग्न जमवणाऱ्या टोळ्यांविषयी आणि फसवणुकीच्या प्रकारांबद्दल मोठी खळबळ उडाली असून, नागरिकांनी लग्न जमवताना योग्य ती शहानिशा करावी, असे आवाहन केले जात आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज