मंगळवेढा टाईम्स न्युज नेटवर्क।
सोलापूर जिल्हा परिषदेच्या शाळांमधील रिकाम्या वर्गखोल्यांचा वापर अंगणवाड्यांसाठी करा, यासंदर्भात प्राथमिक शिक्षण विभागाने सर्व जिल्हा परिषदांना सूचना जारी केल्या आहेत.
त्यानुसार जिल्हा परिषदेच्या शिक्षण व महिला व बालविकास विभागाने पुढील कार्यवाहीला सुरुवात केली आहे. ‘राष्ट्रीय शैक्षणिक धोरण २०२०’ अंतर्गत हा बदल टप्प्याटप्प्याने लागू केला जाणार असल्याने
यंदाच्या शैक्षणिक वर्षापासून जिल्हा परिषद शाळांतच आता अंगणवाडीचे वर्ग भरतील असे चित्र नक्कीच दिसून येईल, अशी आशा व्यक्त केली जात आहे.
‘राष्ट्रीय शैक्षणिक धोरण २०२०’ नुसार तीन ते आठ वर्षे वयोगटातील मुलांच्या शिक्षणावर विशेष भर देण्यात आला आहे.
अंगणवाडी अन् पहिलीचे वर्ग शेजारी-शेजारी
पूर्वप्राथमिक आणि इयत्ता पहिलीचा वर्ग एकाच ठिकाणी असणे योग्य असल्याचे राष्ट्रीय शैक्षणिक धोरणात नमूद करण्यात आले आहे. त्यानुसार ज्या जिल्हा परिषद शाळांमध्ये अतिरिक्त वर्गखोल्या उपलब्ध आहेत, तेथे अंगणवाडीचे वर्ग सुरू करण्याच्या सूचना देण्यात आल्या असल्याचे सांगण्यात आले आहे.
४०८२ अंगणवाड्यांत शिकतात ९९,२५६ बालके...
जिल्ह्यात ग्रामीण भागात एकूण ४०८२ अंगणवाडी केंद्रामध्ये तीन ते सहा वर्षे वयोगटातील ९९,२५६ बालके पूर्व शालेय शिक्षण घेत आहेत. आवश्यक त्या सेवासुविधा जिल्हा परिषदेकडून देण्यात येतात. अंगणवाडी सेविका व मदतनीस बालकांची योग्य ती काळजी घेतात.
स्वमालकीची इमारत नसणाऱ्या अंगणवाडी केंद्र जवळच्या जिल्हा परिषद प्राथमिक शाळेच्या सुस्थितीतील रिकाम्या वर्गखोल्यांमध्ये भरविण्याबाबत शासनाने निर्देश दिले आहेत. त्यानुसार कार्यवाही सुरू केली आहे.
या निर्णयामुळे बालकांना बालवयातच शाळेच्या वातावरणाची सवय लागून शिक्षणाची गोडी लागेल व भविष्यात शाळा गळतीचे प्रमाण कमी होणार आहे.-प्रसाद मिरकले, महिला व बालविकास अधिकारी, जिल्हा परिषद, सोलापूर
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
