मंगळवेढा टाईम्स न्युज नेटवर्किंग ।
सांगोला शहर आणि तालुक्यात सकाळी ६ ते १० आणि रात्री ६ ते १० या वेळेत विजेचे भारनियमन होणार नाही तसेच शेतीपंपासाठी पूर्ण क्षमतेने ८ तास वीजपुरवठा केला जाईल, असे आश्वासन वीज वितरण कंपनीचे कार्यकारी अभियंता साळवे यांनी दिले.
माजी आमदार दिपकआबा साळुंखे पाटील आणि सांगोला शहर व तालुक्यातील शेतकऱ्यांच्या शिष्टमंडळांसोबत शुक्रवार दि. १९ जून रोजी सांगोला येथील महावितरणच्या कार्यालयात बैठक पार पडली, यावेळी ते बोलत होते.
सांगोला शहर आणि तालुक्यातील वाढत्या भारनियमनामुळे शेतकरी आणि पशुपालक चिंतेत होते. या पार्श्वभूमीवर सोमवार दि. १५ जून रोजी माजी आमदार दिपकआबा साळुंखे पाटील यांनी थेट महावितरणच्या कार्यालयात धडक दिली होती.
शेतकरी आणि पशुपालकांसाठी जाचक असणारे भारनियमन त्वरित रद्द करा अन्यथा थेट वीज वितरण कंपनीच्या कार्यालयाला टाळे ठोकू असा इशारा दिला होता.
यावेळी बोलताना माजी आमदार – दिपकआबा साळुंखे पाटील यांनी वीज वितरण कंपनी आणि वीज वितरण कंपनीचे ग्राहक यांनी परस्परात समन्वय आणि संवाद ठेवण्याचे आवाहन केले.
तसेच शेतकरी आणि पशुपालकांनीही वीज वितरण कंपनीच्या अधिकारी व कर्मचाऱ्यांना सहकार्य करून त्यांनी केलेल्या आवाहनाला प्रतिसाद देण्याची विनंती केली.
यावर प्रशासनाने सकारात्मक प्रतिसाद देत लवकरात लवकर भंडगेवस्ती येथील नागरिकांना वीज देण्याचे आश्वासन दिले. यावेळी ज्येष्ठ नेते तानाजी पाटील, शिवाजी बनकर, विजय येलपले, विजय पवार, चंद्रकांत चौगुले यांच्यासह पदाधिकारी आणि शेतकरी उपस्थित होते.
सेवेसाठी तत्पर राहू
माजी आमदार दिपकआबा साळुंखे पाटील आणि त्यांच्या शिष्टमंडळसोबत आमची सविस्तर चर्चा झाली. या चर्चेतून सामान्य शेतकरी आणि पशुपालक यांच्या समस्या समजल्या. शेतकरी बांधवांनीही प्रशासनाला सहकार्य करावे.
सकाळी ६ ते १० आणि रात्री ६ ते १० या वेळेत वीज वितरण कंपनीवर किंवा यंत्रणेवर जास्तीचा भार येणार नाही अशी उपकरणे ग्राहकांनी चालवावी. शेतकरी ग्राहकांनी प्रशासनाला सहकार्य करावे, आम्ही निश्चित तुमच्या सेवेसाठी तत्पर राहू.- मधुकर साळवे, कार्यकारी अभियंता.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
