टीम मंगळवेढा टाईम्स।
मंगळवेढा शहरालगत असलेल्या शिवारात बोअरवेलवरील मोटारीची केबल चोरून नेत असताना शेतकऱ्यांनी चौघांना रंगेहाथ पकडून पोलिसांच्या ताब्यात दिले आहे.
दरम्यान, यातील दोघे अल्पवयीन असून बापू अनिल रावलकर, ज्ञानेश्वर रावसाहेब सोनवले (सर्वरा.वेताळबाबा टेकडी, मंगळवेढा ) या दोघांना पोलिसांनी अटक करून न्यायालयात उभे केले असता चार दिवसाची पोलिस कोठडी सुनावली आहे.
पोलिस सुत्रांनी दिलेली माहिती अशी की, यातील फिर्यादी तात्या पंडू जाधव (रा.शनिवार पेठ) यांची शहरानजीक अकोला रस्त्याला उजनी कॅनॉलच्या शेजारी दोन एकर शेतजमीन आहे.
पिकाला पाणी देण्यासाठी एक बोअरवेल असून मोटारला केबल जोडून मोटारच्या सहाय्याने शेतीला पाणी देतात.
दि.२२ रोजी सायंकाळी ४.०० वा. फिर्यादी कामानिमित्त शेतात आले असता त्यावेळी शेतात एक चार चाकी लाल रंगाची इंडिका विस्टा एम एच ४३, ए २३३३ या क्रमांकाची गाडी व चौघेजण दिसले.
यावेळी फिर्यादी जवळ जावून ते काय करतात हे पहात असताना ते चार इसम बोअरवेलची केबल काढत असताना फिर्यादीच्या निदर्शनास आले.
फिर्यादीने तुम्ही हे काय करीत आहात असे विचारले असता उडवाउडवीची उत्तरे देवून नाव सांगण्यास नकार देत तेथून पळून जाण्याच्या प्रयत्नात असताना फिर्यादीने आरडा ओरडा करून शेताशेजारी असलेले
अमजा पटेल , अक्षय चव्हाण , सागर जाधव , प्रमोद देवकर व इतरांच्या सहाय्याने या चार इसमांना पकडल्याचे दिलेल्या फिर्यादीत म्हटले आहे.
दरम्यान , यातील दोघे अल्पवयीन असून एक इयत्ता ८ वी तून व दुसरा ५ वी तून शिक्षण सोडलेले आहेत. लहान मुलांच्या मदतीने वरील दोघे आरोपी चोऱ्या करीत असल्याचे उघड झाले आहे.
यापुर्वीही याच मार्गावर गाडीतून आलेल्या चोरटयांनी मोटर सायकलस्वारास गाडी आडवी लावून लुटण्याचा प्रकारही घडला होता.
केबल चोरीच्या गुन्हयात वापरलेल्या गाडीचे जिल्हयातील आहे. त्यामुळे या शंका व्यक्त पासींग दाखवत गाडीबाबतही केली जात आहे.
तपासिक अंमलदार पोलिस उपनिरिक्षक शेख यांनी बापू रावलकर व ज्ञानेश्वर सोनवले या दोघांना अटक करून न्यायालयात उभे केले असता न्यायालयाने दि.२६ ऑगस्ट पर्यंत पोलिस कोठडी सुनावली आहे.
तपासिक अंमलदाराने आरोपीकडून लाल इंडिका विस्टा कार कापण्याचे इलेक्ट्रीक मशिन , पाने , पक्कड असे साहित्य जप्त केल्याचे सांगण्यात आले . यापुर्वी मागील आठ ते नऊ महिन्यापुर्वी नागणेवाडी परिसरात अल्पवयीन मुलांनी मोबाईल चोरी केल्याने शहर बीटच्या तत्कालीन पोलिसांनी त्यांना ताब्यात घेतले होते.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज