मंगळवेढा टाईम्स न्युज।
मंगळवेढा तालुक्यात काल शुक्रवारी रात्रीच्या सुमारास माणुसकीला काळीमा फासणारी एक धक्कादायक घटना उघडकीस आली आहे.
डोणज परिसरात एका ४० वर्षीय नराधम मुलाने आपल्या वडिलांचा दगडाने ठेचून खून करून निर्घृण हत्या केली. या हत्याकांडामुळे संपूर्ण मंगळवेढा तालुका हादरून गेला असून परिसरात भीतीचे वातावरण पसरले आहे.
मयतचे नाव महादेव कुसाप्पा पुजारी (वय 70 रा. डोनज ता.मंगळवेढा) असे असून आरोपी मुलगा काशीनाथ महादेव पुजारी (वय 40) याला
पोलीस निरीक्षक दत्तात्रय बोरिगीड्डे, पोलीस उपनिरीक्षक नागेश बनकर, विजय पिसे यांनी मोठ्या शिताफीने ताब्यात घेतले आहे.
याबाबत अधिक माहिती अशी की, मंगळवेढा तालुक्यातील डोनज येथील काशिनाथ पुजारी यांने यातील मयत वडील महादेव कुसाप्पा पुजारी हे शेतात वाटणे देत नाहीत, जनावरे शेतातील पिकात गेल्याचे कारणाने भांडण करतात,
घरात पुरेशी पाणी भरू देत नाहीत आदी या कारणाचा राग मनात धरून, त्यांच्या डोक्यात दगड घालुन गंभीर दुखापत करुन त्यांचा खुन केला असल्याचे विकास कोरे यांनी दिलेल्या फिर्यादी म्हंटले आहे.
या घटनेचा अधिक तपास पोलीस उपनिरीक्षक नागेश बनकर हे करीत आहेत. मंगळवेढा पोलीस ठाण्यात 1069/2025 BNS कलम 103(1) प्रमाणे गुन्हा दाखल करण्यात आला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
