पुनर्वसनाच्या जमिनीवर डोळा! जमीन तुमची, आधार कार्ड खोटे अन् अंगठा दुसऱ्याचाच; मंगळवेढ्यात उजनी जमीन घोटाळ्याचा थरार, वाचून थक्क व्हाल; एजंट मालामाल

मंगळवेढा टाईम्स न्युज। 

उजनी प्रकल्पात गेलेली जमिन तुम्हाला सोलापूर जिल्हयात मिळवून देतो, तुम्ही फक्त कागदावर अंगठे करा असे म्हणून मंगळवेढा येथील दुय्यम निबंधक कार्यालयात

डमी आधार कार्ड तयार करून डमी व्यक्ती उभी करून १० लाख २० हजार रुपयांची आर्थिक फसवणूक केल्याप्रकरणी

सन्मुख महादेव चौगुले (रा.सिध्दापूर), पांडुरंग प्रल्हाद गायकवाड (एजंट, सोलापूर), पप्पू जालिंदर दातीर (रा. गणेशवाडी जि. अहिल्यानगर), नामदेव सोपान काळे (रा. सिपोरा), सुदाम साधू कायगुडे (रा.गणेशवाडी) या पाच जणांविरूध्द मंगळवेढा पोलिसांत गुन्हा दाखल झाला आहे.

पोलिस सुत्रांनी दिलेली माहिती अशी, यातील फिर्यादी अतुल अशोक शेंडगे (रा. वाटलूज ता. दौंड, जि. पुणे) यांचे आजोबा जगन्नाथ संभाजी पायगुडे यांच्या नावावर गणेशवाडी ता. कर्जत येथे शेत गट नं.६३/२/ब मधील ०.८० आर. इतकी जमीन व ६४/१ मधील २ हेक्टर ०.५ एवढी जमिन नावावर होती.

महाराष्ट्र शासनाने उजनी प्रकल्प चालू केल्याने आजोबाची नावे असलेली जमिन शासनाने संपादित केली होती. सन २०१७ मध्ये फिर्यादीचे आजोबा आजारी पडल्याने त्यांना संभाळण्याकरीता वाटलूज या गावी आणले होते.

वरील आरोपींनी घरी येवून आजोबांना उजनी सांगितले की, तुमची प्रकल्पात गेलेली जमीन तुम्हाला सोलापूर जिल्हयात मिळवून देतो तुम्ही फक्त कागदावर अंगठा करा, आम्ही सर्व कागदपत्रे बघून घेतो असे आरोपी म्हणाले.

दरम्यान १९ जुलै २०२५ रोजी आजोबा मयत झाले. उजनी प्रकल्पाच्या जमिनीचे काय झाले याची चौकशी केली असता फिर्यादीस समजले की, आजोबा यांना शासनाकडून पुर्नवसनाची सिध्दापूर ता. मंगळवेढा येथील जमीन गट २९८/१ क्षेत्र ६.८८ आर, क्षेत्रापैकी ०.८० आर जमीन नावावर होती.

सदर क्षेत्राचा ७/१२ उतारा काढला असता त्याची खरेदी विक्री शिवकुमार मल्लिकर्जुन सोमगुंडे अरळी, ता. मंगळवेढा) यांचे नावे झाली असल्याचे दिसून आले.

फिर्यादीने मंगळवेढा येथील दुय्यम निबंधक कार्यालयाकडून सदर संपादित जमिन खरेदी विक्रीच्या नकला काढून घेतल्या. त्यावेळी ही जमिन २९/८/२०१९ रोजी विक्री झाल्याचे निदर्शनास आले. सदर खरेदीच्या दस्तावरील फोटो व दस्तास जोडलेल्या आधार कार्ड फोटो एकच व्यक्तीचा होता.

हा फोटो फिर्यादीच्या आजोबाचा नव्हता. त्यामुळे  फिर्यादीच्या आजोबांची फसवणूक झाल्याचे दिसून आल्याने पोलिसांत १० लाख २० हजार रुपयांची आर्थिक फसवणूक केल्याचा गुन्हा फिर्यादीवरून दाखल करण्यात आला आहे. याचा अधिक तपास पोलिस उपनिरिक्षक नागेश बनकर हे करीत आहेत.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज