मंगळवेढा टाईम्स न्युज ।
दस्त नोंदणी प्रकरणातील नावनोंदणीसाठी संगेवाडीच्या महिला मंडलाधिकारी यांचेमार्फत त्यांच्याच खासगी वाहनचालकास ७ हजार रुपयांची लाच स्वीकारताना लाचलुचपत प्रतिबंधित अधिकाऱ्यांच्या पथकाने सापळा रचून चारचाकी वाहनात रंगेहाथ पकडले.
ही कारवाई गुरुवारी सायंकाळी ५:३० च्या सुमारास सांगोला तहसील कार्यालयाच्या आवारात करण्यात आली.
वैभव पिराजी मोरे (वय २८, रा. मुंडेवाडी ता. पंढरपूर), विजया महारूद्र नाईक (४५, रा. इसबावी, पंढरपूर, सध्या संगेवाडी मंडलाधिकारी) असे आरोपींची नावे आहेत.
सोलापूर येथील लाचलुचपत प्रतिबंधित अधिकारी यांचे पथक संगेवाडीच्या महिला मंडलाधिकारी विजया नाईक यांच्यावर गुरुवारी सकाळपासून दिवसभर पाळत ठेवून होते.
सांगोला तहसील कार्यालयात महसूल अधिकारी कर्मचारी संघटनांची बैठक पार पडल्यानंतर मंडलाधिकारी विजया नाईक व त्यांचे खासगी चालक वैभव मोरे दोघेजण त्यांच्या कारमध्ये बसले असताना वैभव मोरे यास ७ हजार रुपयांची लाच स्वीकारताना रंगेहाथ पकडले.
दोघांनाही वाहनासह ताब्यात घेऊन सांगोला येथील शासकीय विश्रामगृहावर रात्री उशिरापर्यंत चौकशी सुरू होती.
संबंधित महिला मंडलाधिकारी यांच्या बाबतीत त्यांच्या कार्यक्षेत्रातील शेतकरी, नागरिकांच्या मोठ्या प्रमाणात तक्रारी होत्या अशी माहिती समोर येत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
