टीम मंगळवेढा टाईम्स ।
वाहनाला कट मारल्याच्या व बाजारात झालेल्या भांडणाच्या कारणावरून डोळयात चटणी टाकून मांडीला चावा घेवून दोन गटात हाणामारी होवून परस्परविरोधी जणांविरूध्द गुन्हे दाखल झाले असून ही घटना भिकार अकोले येथे घडली आहे.
पहिल्या घटनेत यातील फिर्यादी लक्ष्मण बुरांडे हे कापडी पिशव्याचे व्यापारी असून ते सांगोला येथील आठवडा बाजारात सकाळी ७.०० वा . टमटम घेवून पिशव्या विक्री करण्यासाठी गेले होते.
ते बाजार संपल्यानंतर टमटमने भिकार अकोले येथे येत असताना वाढेगावजवळ नदीच्या अलीकडे टमटमला आरोपी तेजस बुरांडे, गोविंद बुरांडे हे ओमनी घेवून टमटमला कट मारून निघून गेले.
संध्याकाळी ७.३० वा तु माझ्या मुलाच्या वाहनाला कट का मारला असे विचारत आरोपी तेजस बुरांडे, बालाजी आयतोडे यांनी डोळयात चटणी टाकून हाताने लाथाबुक्क्यांनी मारहाण केली.
यावेळी सदरची भांडणे पाहून फिर्यादीची आई अनुराधा, आजी रुक्मिणी, पत्नी प्रियांका भांडणे सोडविण्यास आले असता त्यांच्याही डोळ्यात आरोपींनी चटणी टाकून जखमी करून लाथाबुक्यांनी मारहाण केल्याचे दिलेल्या फिर्यादीत म्हटले आहे.
तर दुसऱ्या घटनेत यातील फिर्यादी तुजस बुरांडे हा सकाळी ७.३० वा . त्याचा चुलतभाऊ गोविंद बुरांडे रविवारी सांगोला आठवडा बाजारात व्यवसायानिमित्त गेले होते.
दुपारी १२.०० वा . बाजारात असताना चुलतभाऊ लक्ष्मण याने जवळ येवून गोविंद बुरांडे यास बाजारात घेवून का आला असे म्हणून श्रीमुखात ओढली. व तु कोण मला विचारणार असे म्हणल्यावर संध्याकाळी गावात ये तुला बघतोच असे म्हणून निघून गेला.
बाजारात घडलेल्या प्रकाराबाबत फिर्यादी सांगत असताना आरोपी लक्ष्मण बुरांडे याने उजव्या मांडीला चावा घेतला. तर आरोपी मंदाबाई काकडे , रकमाबाई बुरांडे , इंदुबाई बुरांडे यांनी शिवीगाळ करीत लाथाबुक्यांनी मारहाण केली.
फिर्यादीचे वडील अरूण यांनाही मारहाण करून ढकलून दिल्याचे दिलेल्या फिर्यादीत म्हटले आहे. या दोन्ही घटनेचा अधिक तपास पोलिस हवालदार विठ्ठल विभुते हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज