टीम मंगळवेढा टाईम्स।
मंगळवेढा तालुक्यातील २५ ग्रामपंचायतीच्या सार्वत्रिक निवडणुकीत १९ ठिकाणी सत्तांतर झाले आहे. आ समाधान आवताडे गटाकडून २०, माजी आ प्रशांत परिचारक गटाकडून २१, बबनराव आवताडे गटाकडून १५, भालके कडून १५ ग्रामपंचायतीवर वर्चस्वाचा दावा केला आहे.
मंगळवेढा तालुक्यातील २५ ग्रामपंचायतीच्या सरपंच व सदस्यांच्या निवडणुकीची मतमोजणी काल पार पडली त्यात अनेक ठिकाणी सत्ताधारी यांना पायउतार व्हावे लागले आहे.
मंगळवेढा येथील शासकीय धान्य गोडावून मध्ये सकाळी ८ वाजता मतमोजणीला सुरवात झाली. मतमोजणीसाठी १५ टेबलच्या माध्यमातून सात फेऱ्या करण्यात आल्या होत्या. साडेअकरा पर्यंत सर्व गावांची मतमोजणी संपली होती.
तहसीलदार मदन जाधव व त्यांच्या सहकाऱ्यांनी मतमोजणी साठी योग्य नियोजन केल्याने निकाल वेळेत लागले. निकाल जसजसे जाहीर होऊ लागले तसे कार्यकर्ते व समर्थक गुलालात न्हावून निघाले. फटाक्यांची आतिषबाजी करण्यात आली.
विजयी सरपंच व सदस्यांचा आ.समाधान आवताडे यांच्या कार्यालयात कृषी उत्पन्न समितीचे माजी चेअरमन सोमनाथ आवताडे, माजी आमदार प्रशांत परिचारक यांच्या कार्यालयात “दामाजी’ चे चेअरमन शिवानंद पाटील, संचालक औदुंबर वाडदेकर, राजेंद्र पाटील,
ज्येष्ठ नेते बबनराव आवताडे संपर्क कार्यालयात बबनराव आवताडे, खरेदी विक्री संघाचे चेअरमन सिद्धेश्वर आवताडे तसेच ‘विठ्ठल’ चे चेअरमन अभिजित पाटील, भगीरथ भालके यांच्या संपर्क कार्यालयात फेटे व हार घालून सत्कार करण्यात आला.
निकालानंतर कोठे ही अनुचित प्रकार घडू नये यासाठी पोलीस निरीक्षक रणजीत माने यांनी चोख बंदोबस्त ठेवला होता.
बठान येथे संचालक भारत बेदरे, शिरशी येथे तानाजी कांबळे यांच्या पॅनलचा पराभव झाला आहे. जालिहाळ, शेलवाडी, शिरशी, लक्ष्मी दहिवडी येथे सत्ता टिकवण्यात यश आले आहे.
निंबोणी येथे सिद्धेश्वर आवताडे यांचे समर्थक अॅड. बिरू घोगरे या युवकाने जुन्या पुढाऱ्यांना मोडीत काढीत सत्ता मिळवली असून स्वतः सरपंच म्हणून मताधिक्याने निवडून आले आहेत.
आंधळगाव येथे आवताडे गटाचे दामाजीचे माजी संचालक सुरेश भाकरे व भालके गटाचे पांडुरंग भाकरे यांची १० वर्षाची सत्ता मोडीत काढीत माजी जि.प. सदस्य शिवाजीराव नागणे, महादेव माळी, ‘दामाजी’चे संचालक दिगंबर भाकरे यांच्या समविचारी आघाडीने सत्ता मिळवली आहे.
लक्ष्मीदहिवडी येथे बाजार समिती संचालक प्रकाश जुंदळे यांनी आपली सत्ता अबाधित ठेवली आहे. जुनोनी येथे दत्तात्रय माने या युवकास सरपंच पदाची संधी मिळाली आहे.
नूतन विजयी सरपंच
देगाव– बालिका शशिकांत ढेकळे, लक्ष्मी दहीवडी अनिल पाटील, आंधळगाव – लव्हाजी लेंडवे, जालिहाळ – कृष्णाबाई चौगुले, डिकसळ – सारुबाई लांडगे, बठाण पूजा – कोडगर, निंबोणी– बिरू घोगरे, खुपसंगी-अनुराधा कुशाबा पडवळे,
लोणार – म्हांतेश बिराजदार, पडोळकरवाडी– सुनिता पडोळकर, जुनोनी – दत्तात्रय माने, शेलेवाडी– सुनीता माळी, रड्डे– सरस्वती थोरबोले, अकोला– सुलोचना इंगळे,
मुंढेवाडी– अरुण जावळे, उचेठाण– भाग्यश्री कोळी, भाळवणी– लक्ष्मण गायकवाड, मानेवाडी– शिवाजी मेटकरी. शिरसी– बाबासाहेब कसबे, जंगलगी– आमसिद्ध चौखंडे, खडकी– संजयसिंग रजपूत, रेवेवाडी– सुनीता रेवे, चिक्कलगी– ललिता ऐवळे, महमदाबाद हु- छाया मिस्कर, नंदुर – सुमन गोडसे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
