टीम मंगळवेढा टाईम्स ।
माझे भावासोबत नांदायला चल असे म्हणून दमदाटी करीत एका 30 वर्षीय महिलेचा विनयभंग केल्याप्रकरणी बापू शिवाजी कारंडे व गणेश शिवाजी कारंडे (रा.श्रीपूर ता. माळशिरस) या दोघा भावाविरूध्द मंगळवेढा पोलिसात गुन्हे दाखल झाले आहेत.
पोलिस सुत्रांनी दिलेली माहिती अशी, आंधळगाव येथे दि.23 रोजी दुपारी 3.30 वा. वरील दोघे आरोपीनी 30 वर्षीय फिर्यादीच्या रहात असलेल्या घरी जावून
फिर्यादीची बहिण वैशाली बापू कारंडे हिस नांदायला जाणेच्या कारणावरून शिवीगाळ व दमदाटी करू लागला तेव्हा फिर्यादी व त्यांचे आईवडील समजावून सांगत असताना
आरोपीने फिर्यादीच्या अंगास स्पर्श करून तुझी बहिण नांदण्यास येत नाही,तुला नवरा नाही तीच्याऐवजी तू नांदण्यास चल असे म्हणून अंगाशी झोंबाझोंबी करून मनास लज्जा उत्पन्न होईल असे कृत्य केल्याचे दिलेल्या फिर्यादीत म्हटले असून
दोघा आरोपीनी जाताना तुला पळवून नेवून तुझे बरे वाईट करणार आहे.मी क्राईम रिपोर्टर असून माझे कोणीही काहीही करू शकत नसल्याची दमदाटी करून निघून गेल्याचे म्हटले आहे. याचा अधिक तपास पोलिस नाईक पठाण हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज