टीम मंगळवेढा टाईम्स।
मंगळवेढा शहरालगत असलेल्या संत चोखामेळा नगर ग्रामपंचायतमध्ये ग्रामसभा सुरु असताना सरपंच व ग्रामसेवक सरकारी कर्तव्य पार पाडत असताना
आमचे वार्डातील कामे का करत नाही असे म्हणून त्यांना हाताने मारहाण करून जीवे मारण्याची धमकी दिल्याप्रकरणी
मंगल नारायण चौगुले, तातोबा नारायण चौगुले, हणमंत नारायण चौगुले, पवन तातोबा चौगुले, छाया हणमंत चौगुले (रा.शांतीनगर, मंगळवेढा ) या पाच जणांविरूध्द शासकिय कामात अडथळा आणल्याचा गुन्हा दाखल झाला आहे.
याबाबत पोलिस सुत्रांनी दिलेली माहिती अशी की, यातील फिर्यादी सरपंच शिवाजी सलगर व ग्रामसेवक गोरे हे दि.१३ रोजी सकाळी ११.०० वा . संत चोखामेळा ग्रामपंचायत कार्यालयात ग्रामसभा घेत असताना
वरील आरोपीनी संगनमत करून समाई इरादयाने एकत्र येवून तुम्ही आमचे वार्डातील कामे का करत नाहीत असे म्हणून शिवीगाळी दमदाटी करून
फियार्दीच्या पाठीवर, उजव्या कानावर, डोक्यावर हाताने मारहाण करून जीवे मारण्याची धमकी दिल्याचे दिलेल्या फिर्यादीत म्हटले आहे.
दरम्यान भांडणे सुरु असताना फिर्यादीचा लहान भाऊ बालाजी सलगर हा सोडवा सोडवी करीत असताना आरोपीनी त्यालाही मारहाण केल्याचे तक्रारीत नमूद केले आहे. याचा अधिक तपास पोलिस करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
