मंगळवेढा टाईम्स न्युज नेटवर्क ।
माझ्या भावाला कोणतेही व्यसन नव्हते, फक्त दारूच्या व्यसनात माझा भाऊ मरून गेला. गाववाल्याला व सरपंचाला हात जोडून विनंती आहे की गावातील दारूधंदे बंद करा, असा आक्रोश मंगळवेढा तालुक्यातील अकोले येथील विनोद सरवदे या तरुणाने त्याच्या बंधू अनिल सरवदे यांच्या निधनाच्या तिसऱ्या दिवशी स्मशानभूमीत अस्थिविसर्जनाच्या कार्यक्रमात हात जोडून व्यक्त केला.
दरम्यान, सरपंच सुलोचना नामदेव इंगळे यांनी आज तातडीने ग्रामसभा घेऊन दारूबंदीचा ठराव मंजूर केला.
मंगळवेढ्यापासून पश्चिमेला सहा किलोमीटर अंतरावर असलेल्या अकोले या गावाची लोकसंख्या दोन हजाराच्या आसपास आहे. गावातील काही क्षेत्र उजनी लाभक्षेत्रात येत असल्यामुळे तरुणाईच्या हातात पैसा देखील खेळू लागला अशा परिस्थितीत या गावात अवैध दारू धंद्याने धुमाकूळ घातला असून
या दारू धंद्यापायी अनेक सध्या दारूच्या आहारी गेले आहेत आणि याच दारूच्या व्यसनात गावातील एका तरुणाची निधन झाल्यानंतर तिसऱ्या दिवशीच्या अस्थिविसर्जनाच्या कार्यक्रमासाठी नातेवाईक,पाहुणे, यासाठी आले होते.
या अंत्यविधी केलेल्या ठिकाणासमोर डोळ्यातील अश्रू ढाळत भाऊ विनोद सरवदे म्हणाला का, शेजारच्या मारापूर गावाचा आदर्श घ्या, तिथला सरपंच गावातील दारू बंद करून आदर्श झाला तुम्ही पण आदर्श सरपंच व्हा आणि दुपारपासून गावात एकही दारूचा थेंब विकणार नाही याची काळजी घ्या असे आवाहन केले.
यावेळी उपस्थितातील काहींनी आठ ते दहा जण सध्या मरणाच्या मार्गावर आहेत. दवाखान्यामध्ये या गावातील रुग्ण उपचारासाठी गेल्यानंतर सर्वाधिक लिव्हर आजाराशी संबंधित आहेत
ग्रामस्थांनी आज निर्णय नाही घेतला तर येत्या काही दिवसात तुम्हाला आणखीन काहींचे अंत्यविधी करण्यासाठी या ठिकाणी यावे लागेल यावेळी या दारूमुळे अनेकांचे संस्कार उध्वस्त झाले आहेत.
गावातील तरुणांचे मृतदेह बघायचे नसेल तर दारूबंदी सारख्या विषयावर सर्वानी एकजूट करण्याचे आव्हान यावेळी करण्यात आले.
गावातील जगन्नाथ इंगळे पाटील म्हणाले की, दारूबंदी आज पासून करण्यासाठी सगळ्यांनी सोबत या सगळे एकसंध राहिले तर आपण दारूबंदी करू शकतो.
यावेळी अस्थीविसर्जनाला एक विक्रेता देखील आला होता त्याला देखील यावेळी तंबी देण्यात आली. दारूबंदीसाठी तालुक्यात पहिल्यांदाच अस्थिविसर्जनाच्या कार्यक्रमात आवाज उठवल्याने पोलीस याकडे कोणती भूमिका घेतात याकडे ग्रामस्थांचे लक्ष लागले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
