बोगस लॅबच्या संख्येत वाढ, मंगळवेढ्यात विचारमंथन; सोलापूर जिल्हा ॲकलॅप संघटनेची सभा संपन्न

टीम मंगळवेढा टाईम्स ।

लॅब टेक्निशियन म्हणून काम करताना येणाऱ्या अडचणी, पॅरामिडीकल कौन्सिल नियमावली, पॅरामेडिकल संबंधी येणारे नवीन कायदे, शासनाकडून येणारे लॅब्रोटरी संबंधी निर्णय, कोरोना काळात वाढलेल्या बोगस लॅबची संख्या ,

लॅबोरेटरी सेवा देत असणारे प्रयोगशाळा तंत्रज्ञ यांचे योग्य शैक्षणिक अहर्ता, मान्यताप्राप्त शिक्षण संस्था , नूतन निवडी , निवडणुका, संघटनेकडून लॅब टेक्निशियन यांना विमा संरक्षण व निधी तसेच संघटनेची वाटचाल आदी विषयावर चर्चा करण्यात आली.

असोसिएशन ऑफ क्लीनिकल लॅबोरेटरी अनालिस्टस अँड प्रॅक्टिसनर्स, सोलापूर जिल्हा या संघटनेची वार्षिक सर्वसाधारण सभा महिला हॉस्पिटल कॉन्फरन्स हॉल मंगळवेढा येथे संपन्न झाली.

यावेळी जिल्हाध्यक्ष सलीम हरणमारे ,अध्यक्षस्थानी ॲक्लाप संघटना महाराष्ट्र राज्य संचालक महादेव कोळेकर ,मार्गदर्शक शकील आतार,ज्येष्ठ लॅब चालक विलास इंगळे, सोमेश यावलकर याच्या प्रमुख उपस्थितीत सभेचे अहवाल वाचन करण्यात आले.

पॅरामेडिकल क्षेत्रात आरोग्याच्या निगडित काम करणारे लॅब चालक शहरी व ग्रामीण भागात आरोग्याची सेवा देत असून प्रयोगशाळा तंत्रज्ञ म्हणून उल्लेखनिय अशी सेवा बजावत आहे.
या सभेत सेवा बजावत असताना कोरोना काळात मृत्यू झालेल्या टेक्निशियन यांना श्रद्धांजली वाहण्यात आली.

सभेत प्रमुख पाहुणे व पदाधिकारी यांचा सत्कार समारंभ मंगळवेढा ॲक्लाप संघटनेचे शरण बिराजदार, दावल इनामदार ,दशरथ फरकांडे, अजित राजमाने यांचाहस्ते करण्यात आला.

यावेळी सोलापूर शहर, सांगोला पंढरपूर, माढा, बार्शी, अक्कलकोट , मोहोळ,मंगळवेढा,अकलूज येथील मोठ्या संख्येने संघटनेचे लॅब चालक उपस्थित होते. यावेळी सभेत सभासदांनी उपस्थित केलेल्या विविध समस्याच्या प्रश्नावर चर्चा करून त्याची समाधानकारक उत्तरे संघटनेचे प्रमुख अतिथी कडून देण्यात आली.

तसेच सभेचे उत्कृष्ट व नेटके नियोजन केल्याबद्दल मंगळवेढा ॲक्लाप चे दावल इनामदार यांचा प्रमुख पाहुण्यांच्या हस्ते व जिल्हा संघटने कडून सत्कार करून कौतुक करण्यात आले. सूत्रसंचालन दावल इनामदार यांनी केले. शरण बिराजदार यांनी आभार मानले.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज