आवताडे समर्थकांची उद्या तातडीची बैठक
मंगळवेढा : समाधान फुगारे
मंगळवेढा येथील श्री संत दामाजी सहकारी साखर कारखान्याचे चेअरमन समाधान आवताडे यांना भाजपची उमेदवारी मिळावी यासाठी कार्यकर्त्यांनी सूर धरला आहे. उमेदवारीबाबत कार्यकर्त्याने मुख्यमंत्र्यांची भेट घेतल्याची चर्चा आहे.
मंगळवेढा पंढरपूर विधानसभा मतदारसंघात सध्या राजकीय वातावरण ताप असताना युतीकडून या मतदारसंघाचा जागावाटपाचा तिढा सुटला नसून अधिकृतपणे उमेदवारी जाहीर केलेले नाही. भाजप, काँग्रेस वरिष्ठांकडून हिरवा कंदील मिळाला नसला तरी इच्छुकांची जोरदार मोर्चेबांधणी सुरू असल्याने प्रचाराची रणधुमाळी रंगात आली आहे. नाराज मंडळींनी वेगळी मोट बांधण्याच्या हालचाली गतिमान केल्या असल्या तरी तूर्तास त्यांची मोट जर तर वरच अधिक अवलंबून आहे.
गेल्या काही दिवसांपासून भाजपच्या उमेदवारी वरून मतदार संघात अनेक घडामोडी घडत आहेत. समाधान आवताडे यांना भाजप कडून उमेदवारी मिळावी यासाठी कार्यकर्ते आग्रहाची मागणी करत आहेत. काही कार्यकर्त्यांनी थेट मुख्यमंत्र्यांची भेट घेऊन समाधान आवताडे यांना उमेदवारी देण्यात यावी व त्यांना निवडून आणण्यासाठी आम्ही जीवाचे रान करून असेही आश्वासन दिलं असल्याचे चर्चा सध्या मतदार संघात सुरु आहे.
कायम चर्चेत असलेला मंगळवेढा तालुका यंदाही चर्चेत आहे. मंगळवेढा-पंढरपूर विधानसभा काँग्रेसचा बालेकिल्ला, पण आता तो भाजपचा बालेकिल्ला झाला आहे.विद्यमान आमदाराविरुद्ध भाजप इच्छुकांनी मोट बांधली आहे. नवीन उमेदीचा नवा चेहरा द्यावा, अशी त्यांची एकमुखी मागणी आहे.
आवताडे समर्थकांच्या या मागणीची दखल भाजप पक्षश्रेष्ठी कितपत घेईल, यावर बरेच अवलंबून आहे. आवताडे विरुद्ध इच्छुकांच्या मताचा भाजपने विचार केला तर समाधान आवताडे कोणती खेळी खेळतील? हे आताच सांगणे अवघड आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
