मंगळवेढा : समाधान फुगारे
मंगळवेढा पंढरपुर विधानसभा मतदारसंघात राजकीय वातावरण चांगलेच तापत असताना मंगळवेढ्यातील मोहिते-पाटील समर्थकांनी परिचारकांना पाठिंबा दिल्याने परिचारकांची ताकत वाढली असल्याचे दिसत आहे.
पंढरपूर-मंगळवेढा विधानसभा मतदार संघाच्या विधानसभा निवडणुकीच्या निमित्ताने मंगळवेढा तालुक्यातील मोहिते पाटील गटाची बैठक आज सकाळी शिवरत्न बंगल्यावर पार पडली .
या बैठकीस राज्याचे माजी उपमुख्यमंत्री विजयसिंह मोहिते पाटील , सुधाकरपंत परिचारक , माजी खा रणजितसिंह मोहिते पाटील , आ प्रशांत परिचारक , पांडुरंग सहकारी साखर कारखान्याचे व्हा . चेअरमन वसंतराव देशमुख , दीपक वाडदेकर , अर्बन बॅंकेचे चेअरमन राहूल शहा , दामाजी साखर कारखान्याचे माजी व्हा . चेअरमन सूर्यकांत ठेंगील , माजी सभापती राजाराम जगताप , उपसभापती काशीनाथ पाटील , भारत पाटील , रामेश्वर मासाळ , जयंत साळे , नितीन पाटील , आण्णासाहेब नांगरे , नाथा काशीद , नगरसेवक अजीत जगताप , विजय बुरकुल , रामा माने , मुझफ्फर काझी , बाबा कोंडुभैरी , सद्दाम मकानदार , बशीर बागवान , ॲड सुजीत कदम , ॲड धनंजय हजारे , खन्ना माळी ,शिवाजी जाधव यांच्यासह कार्यकर्ते उपस्थित होते.
मंगळवेढा तालुक्यातील मोहिते पाटील समर्थकांनी महायुतीचे उमेदवार सुधाकरपंत परिचारक यांना पाठींबा द्यावा असे माजी खा विजयसिंह मोहिते पाटील यांनी सांगितल्यावर सर्वानीच त्यांच्या शब्दाला पाठिंबा दिला .मागील निवडणुकीत जे झाले ते झाले आता एका विचाराने काम करु असे मोहिते पाटील म्हणाले .
आ.प्रशांत परिचारक म्हणाले , परस्पर विरोधा मुळे गेल्या दहा वर्षात मोहिते पाटील व परिचारक या दोन्ही गटांना खूप भोगावे लागले , अपरिमित नुकसान झाले.आता झाले गेले विसरुन जावु व नव्या उमेदीने कामाला लागू . जिल्ह्यात पुन्हा ताकद उभा करु.मला आमदारकीला पाडले म्हणून मी नाराज झालो नाही व आमदार झालो म्हणून कुणाची अडवणुक केली नाही . विजयदादा व श्रीमंतानी जिल्ह्याच्या राजकारणात जसा एकोपा ठेवला तसाच एकोपा मी व रणजितसिंह ठेवू अशी ग्वाही त्यांनी दिली.
यावेळी राहूल शहा ,राजाराम जगताप ,भारत पाटील ,रामेश्वर मासाळ ,विजय बुरकुल ,अजीत जगताप , ॲड धनंजय हजारे आदीनी आपले विचार मांडून मंगळवेढ्यातून मताधिक्य देवु असा विश्वास व्यक्त केला .
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
