टीम मंगळवेढा टाईम्स।
आगामी नगरपालिका निवडणुकीच्या पार्श्वभूमीवर शहरातील राष्ट्रवादीचे नगरसेवक भाजप आ.समाधान औताडे यांचे संपर्कात असल्याची चर्चा राजकीय वर्तळात असली तरी प्रत्यक्षात कोणाही संपर्कात नाही त्यामुळे भाजपाने जनतेची दिशाभूल करणे बंद करावे असे आवाहन शहराध्यक्ष मुजमिल काझी यांनी केले आहे.
शहरातून आ.आवताडे यांना मताधिक्य मिळाल्याने राष्ट्रवादी काँग्रेस पक्षाचे नगसेवक व पदाधिकारी भाजपचे आ. समाधान आवताडे यांचे संपर्कात असलेचे वृत्त सोशल मीडिया वरून जनतेत जात आहे.
शहरातील असा कोणी एक ही नगरसेक जो राष्ट्रवादी काँग्रेस पक्षाचे अधिकृत चिन्हावर निवडून आला आहे तो नगरसेवक भाजप पक्षाचे संपर्कात नसून आश्या आशयाच्या अफवा ही पसरू नये व जनतेची दिशाभूल करू नये.
विधानसभा निवडणुकीत विजय मिळवला ह्याचा अर्थ असा नाही की नगरपालिका जिंकली. प्रत्येक निवडणूक ही वेगळी असते आणि त्याचा कौल जनतेच्या हातात असतो .
स्थानिक उमेदवार असून देखील राष्ट्रवादी काँग्रेस पक्षाचे नगरसेवक पदाधिकारी मतदार व कार्यकर्ते याच्या जोरावर राष्ट्रवादी काँग्रेस पक्षाचे उमेदवारास अपेक्षेपेक्षा जास्त मिळवून जनता आज ही राष्ट्रवादीचे नेते शरद पवार यांच्या पाठीशी खंबीर पणे उभी राहिल्याचे सिध्द झाले.
तोच विश्वास जनता भविष्यात येणाऱ्या नगरपालिका असो जिल्हा परिषद पंचायत समिती असो त्या ठिकाणी मतदार राष्ट्रवादी काँग्रेस पक्षाचे पाठीशी खबीर रित्या उभे राहून सत्ता स्थापन करण्यास मदत करतील आणि तो आम्हाला विश्वास आहे.
तालुक्यातील व शहरातील जनतेने कोणत्याही अफवावर विश्वास ठेवू नये असे आवाहन राष्ट्रवादी काँग्रेस पक्षाचे शहराध्यक्ष काझी यांनी विनंती वजा केला आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज