मंगळवेढा टाईम्स न्यूज।
मंगळवेढा-पंढरपूरच्या राजकारणात गेल्या अनेक दिवसांपासून सुरू असलेल्या वावटळीला काल अखेर पूर्णविराम मिळाला. माजी आमदार पुत्र भगीरथ भालके, त्यांच्या पत्नी नगराध्यक्षा प्रणिता भालके आणि
भैरवनाथ शुगरचे चेअरमन अनिल सावंत यांनी उपमुख्यमंत्री एकनाथ शिंदे यांच्या उपस्थितीत शिवसेनेत जाहीर प्रवेश केला. मात्र, या सोहळ्यात सर्वाधिक चर्चा रंगली ती ज्येष्ठ नेते आणि माजी मंत्री सिद्धाराम म्हेत्रे यांच्या एका ‘खास’ सल्ल्याची.
’पक्षांतराचा प्रवास आता थांबवा’
व्यासपीठावरून बोलताना सिद्धाराम म्हेत्रे यांनी भगीरथ भालकेंना उद्देशून कानपिचक्या दिल्या.
गेल्या चार वर्षांत चार वेगवेगळ्या पक्षांच्या संपर्कात राहिल्यामुळे भालकेंवर सातत्याने टीका होत होती.
याच पार्श्वभूमीवर म्हेत्रे म्हणाले, तुमचा प्रवास आता खूप झाला, आता तुम्ही थांबायला हवे. सात मजले वर चढा आणि ‘ठाणे’ हे तुमचे शेवटचे ठिकाण असले पाहिजे
म्हेत्रेंच्या या विधानाने उपस्थितांच्या भुवया उंचावल्या असून, भालकेंनी आता आपली निष्ठा एकाच ठिकाणी स्थिर ठेवावी, असाच हा गर्भित इशारा असल्याचे बोलले जात आहे.
मुख्यमंत्रिपदाचा संकल्प आणि ‘टार्गेट’ सोलापूर
म्हेत्रे यांनी केवळ सल्लाच दिला नाही, तर कार्यकर्त्यांना आक्रमकपणे कामाला लागण्याचे आदेशही दिले.
मतांची टक्केवारी वाढवा: जिल्हा परिषद आणि महापालिकेत शिवसेनेची ताकद वाढली असून मतांचा टक्का खाली येऊ देऊ नका.
पुन्हा एकदा एकनाथ शिंदे यांनाच राज्याच्या मुख्यमंत्रिपदी बसवायचे आहे, त्यासाठी आता ‘खच्चून’ कामाला लागा.
एकनिष्ठतेचा मंत्र: वारंवार भूमिका बदलण्यापेक्षा आता शिवसेनेच्या झेंड्याखाली राहून संघटना वाढवण्यावर भर द्या.
हजारो समर्थकांच्या उपस्थितीत पार पडलेल्या या सोहळ्याने सोलापूर जिल्ह्याच्या राजकारणात मोठी उलथापालथ झाल्याचे स्पष्ट झाले आहे. भालके परिवाराच्या शिवसेना प्रवेशामुळे पंढरपूर-मंगळवेढा विधानसभा मतदारसंघात शिंदेंच्या शिवसेनेला मोठी बळकटी मिळाली आहे.
आता म्हेत्रेंनी दिलेला ‘ठाण्या’चा सल्ला भगीरथ भालके किती गांभीर्याने घेतात आणि आगामी निवडणुकीत सोलापूरचा हा बालेकिल्ला कोणाकडे झुकणार, याकडे संपूर्ण जिल्ह्याचे लक्ष लागले आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
