व्याजाने घेतलेले पैसे मुद्दलासह घेऊन सुद्धा अजूनही तुझ्याकडे पैसे आहेत,असे सांगून मारहाण करणाऱ्या सोलापूरच्या महिला सावकाराच्या विरोधात एका पीडित महिलेने सलगर वस्ती पोलीस ठाण्यात गुन्हा नोंद केला आहे.
या घटनेची हकीकत अशी की ,भूषण नगर मध्ये राहणाऱ्या नरसम्मा चलवादी या महिलेने आरोपी खासगी सावकार कविता चव्हाण (रा.भूषण नगर सोलापूर) यांच्याकडून २०११ मध्ये अठरा हजार रुपये व्याजाने घेतले होते.
या पैशाची परतफेड पीडित महिला दरमहा दहा तारखेला २८०० रुपये व्याज मुद्दलासह करत होती.अशी परतफेड तिने अडीच वर्षे केली. लॉकडाऊनच्या काळात त्या महिलेकडून मुद्दल व व्याज देणे जमले नाही. त्यानंतर या महिलेने पीडित महिलेच्या घरात घुसून शिवीगाळ करत मारहाण केली.
मोठ्यानी आरडाओरडा करून मारहाण केली. पगार झाल्यानंतर तुझी बाकी देते , असे सांगितले असतानासुद्धा तिने मारहाण केली. या घटनेची तक्रार देण्यासाठी रिक्षात बसून पोलिसाकडे जात असताना सुद्धा त्या महिलांनी मारहाण केली. धमकी दिली.
त्यामुळे कविता चव्हाण यांच्या विरोधात खासगी सावकार अधिनियमानुसार गुन्हा दाखल झाला असून अधिक तपास पोलीस हेडकॉन्स्टेबल पवार हे करीत आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
![ताज्या बातम्या थेट मोबाईलवर मिळवण्यासाठी आजच जॉईन व्हा ताज्या बातम्या थेट मोबाईलवर मिळवण्यासाठी आजच जॉईन व्हा](https://mangalwedhatimes.in/wp-content/uploads/2021/12/WhatsApp-Add.gif)
बातम्या सर्वप्रथम जाणून घेण्याकरिता लाईक करा आमचे फेसबुक पेज