टीम मंगळवेढा टाईम्स ।
कर्ज घेऊन बुडवणाऱ्या आणि वारंवार नोटीस देऊनही दाद न देणाऱ्या थकबाकीदारांना पंढरपूर येथील वरिष्ठ स्तर दिवाणी न्यायालयाने मोठा झटका दिला आहे.
धनश्री मल्टीस्टेट को-ऑपरेटिव्ह क्रेडिट सोसायटीच्या कर्जवसुली प्रकरणात न्यायालयाने एका ऋणकोला थेट न्यायालयीन कोठडीत (तुरुंगात) ठेवण्याचे आदेश दिले आहेत. न्यायालयाच्या या कडक भूमिकेमुळे थकबाकीदार वर्गात मोठी खळबळ उडाली आहे.
नेमके प्रकरण काय?
’धनश्री मल्टीस्टेट को-ऑपरेटिव्ह क्रेडिट सोसायटी’ने कर्जदार राजेंद्र लक्ष्मण यमगर यांना नियमानुसार कर्ज पुरवठा केला होता.
मात्र, प्रदीर्घ काळ उलटूनही या कर्जाची परतफेड न झाल्याने संस्थेने पंढरपूर येथील वरिष्ठ स्तर मे. दिवाणी न्यायालयात लवाद दरखास्त क्र. ८४३/२०२२ दाखल केली होती.
या खटल्यादरम्यान संबंधित ऋणको यांना न्यायालयामार्फत कायदेशीर नोटिसा देखील बजावण्यात आल्या होत्या, मात्र तरीही कर्जाची फेड करण्यात आली नाही.
माजी संचालकाविरुद्ध ‘तुरुंग वॉरंट‘ अन् अटक!
धनश्री मल्टीस्टेटच्या वतीने ॲड. एस. एम. हावनाळे आणि ॲड. संगम सुकदेव मोरे यांनी न्यायालयात प्रभावी युक्तिवाद केला. हा युक्तिवाद ग्राह्य धरत मा. न्यायालयाने संबंधित ऋणकोंविरुद्ध थेट तुरुंग वॉरंट (Jail Warrant) जारी केले होते.
त्यानुसार, या प्रकरणातील ऋणको क्रमांक ८ तथा माणगंगा सहकारी साखर कारखान्याचे माजी संचालक रघुनाथ सीताराम चौथे यांना ९ जुलै २०२६ रोजी पोलिसांमार्फत न्यायालयासमोर हजर करण्यात आले. यावेळी दोन्ही बाजूंचा युक्तिवाद ऐकल्यानंतर न्यायालयाने गुन्हा गांभीर्याने घेत रघुनाथ चौथे यांना न्यायालयीन कोठडीत ठेवण्याचे कडक आदेश दिले.
न्यायालयात ‘धनश्री’च्या वतीने यांनी पाहिले कामकाज:
या महत्त्वपूर्ण कायदेशीर लढाईत धनश्री मल्टीस्टेट को-ऑपरेटिव्ह क्रेडिट सोसायटीच्या वतीने:
विद्वान वकील: ॲड. एस. एम. हावनाळे, ॲड. संगम सुकदेव मोरे
माहितगार प्रतिनिधी: श्रीकांत जाधव, सागर जाधव यांनी बाजू मांडत आवश्यक ते कामकाज पाहिले.
बँकिंग क्षेत्रात चर्चा; संस्थाचालकांना बळ!
अनेकदा कर्ज थकवून कायदेशीर प्रक्रियेला बगल देणाऱ्या प्रवृत्तींना न्यायालयाच्या या निर्णयामुळे योग्य तो संदेश गेला आहे.
धनश्री मल्टीस्टेटने थकबाकीदारांविरोधात घेतलेल्या या आक्रमक पवित्र्यामुळे प्रामाणिक ठेवीदारांच्या हिताचे रक्षण झाले असून, कायदेशीर मार्गाने वसुली कशा पद्धतीने केली जाऊ शकते, याचा एक वस्तुपाठच समोर आला आहे.
धनश्री महिला पतसंस्थेच्या कर्जदारास चेक बाऊन्स केसमध्ये शिक्षा कायम, आरोपीची तुरुंगात रवानगी
पतसंस्थेच्या कर्जदारास चेक बाऊन्स केसमध्ये शिक्षा कायम करण्यात आली असून आरोपीची तुरुंगात रवानगी केली आहे.
यात हकीकत अशी की, सदरचे प्रकरणातील सामनेवाले ही धनश्री महिला ग्रामीण बिगरशेती पतसंस्था असून कर्जदारांना कर्ज पुरवठा करणे हा त्यांचा प्रमुख व्यवसाय असून त्यांनी यातील कर्जदार धोंडीबा शिवाप्पा कुटे यास नियमित कर्ज पुरवठा केला होता.
परंतु सदर कर्जदारांनी नियमित कर्जाची परतफेड केली नाही. सदर कर्ज थकीत गेल्यानंतर सदर कर्जाचेपोटी परतफेडीसाठी म्हणून सदर पतसंस्थेस आरोपीने त्याचे बँक खातेचा धनादेश दिलेला होता, सदर धनादेश न वटता बँकेने परत केलेमुळे त्याचेविरुध्द धनश्री पतसंस्थेने मंगळवेढा येथील मे. प्रथमवर्ग न्यायदंडाधिकारी यांचे कोर्टात N.I.Act कलम 138 अन्वये संक्षिप्त फौजदारी खटला. 192/2014 ही केस दाखल केलेली होती.
त्यामध्ये सदर कर्जदाराविरुध्द मंगळवेढा येथील प्रथमवर्ग न्यायदंडाधिकारी यांनी आरोपीस सदर गुन्ह्याकरीता 1 महिना सश्रम कारावासाची शिक्षा ठोठावली होती व फिर्यादी संस्थेस 1,10,000/- (रक्कम – एक लाख दहा हजार रुपये) नुकसानभरपाई देणेबाबत आरोपीस आदेशित केले होते, जर आरोपीने 2 महिन्याचे आतमध्ये सदर नुकसानभरपाईची रक्कम देणेस कसूर केलेस आरोपीस अतिरिक्त 1 महिना सश्रम कारावास ठोठावला होता.
त्यानिकालाचे विरोधात सदर कर्जदाराने पतसंस्थेविरोधात पंढरपूर येथील मे जिल्हा न्यायालयात फौजदारी अपिल क्र.33/2018 हे दाखल केलेले होते. सदर अपिलामध्ये सामनेवाले बँकेचेवतीने ॲड. एस.एम. हावनाळे यांनी काम पाहिले. पंढरपूर येथील मे जिल्हा न्यायालयाने सदरचे अपिल दि.17/1/26 रोजी नामंजूर केले व सदर ॲपेलंट आरोपी धोंडीबा कुटे याचेविरोधात काॅन्विक्शन वाॅरंट जारी केले होते.
सदर न्यायालयीन आदेशानुसार मंगळवेढा येथील प्रथमवर्ग न्यायदंडाधिकारी यांचे न्यायालयासमोर आरोपीस हजर केले असता, सदर आरोपीची तुरुंगात रवानगी करण्यात आली. यात धनश्री महिला ग्रामीण बिगरशेती पतसंस्थेच्या वतीने माहितगार इसम विश्वनाथ नागणे, सतिश कोंडुभैरी तसेच संस्थेतर्फे ॲड. एस.एम.हावनाळे, ॲड.संगम सुकदेव मोरे यांनी काम पाहिले.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
