मंगळवेढा टाईम्स वृत्तसेवा । कोरोनाची लागण झाल्याचे निदान करण्यासाठी रक्त तपासणी करण्यासाठी महाराष्ट्रातील रुग्णालयांच्या नावांची यादी सध्या सोशल मीडियावर व्हायरल होत आहे. ही यादी बनावट असून नागरिकांनी त्यावर विश्वास ठेऊ नये. कोरोनाची लागण झाल्याचे निदान करण्यासाठी रक्त तपासण्याची आवश्यकता नसून रुग्णाच्या घशाचा द्राव (नसो फैरिंजीयल स्वाब) तपासण्यात येतो. असे स्पष्टीकरण आरोग्य विभागाकडून देण्यात आले आहे.
#CoronaVirusUpdate
कोरोनासाठी संशयित रुग्णांची तपासणी करताना रक्ताची चाचणी केली जात नाही, रुग्णाचा घशाचा द्राव घेऊन प्रयोगशाळेत पाठविला जातो, त्यामुळे #कोरोना रक्त तपासणी महाराष्ट्रातील हॉस्पिटलच्या नावांच्या यादीचा व्हायरल मेसेज खोटा; आरोग्य विभागाचा महत्वाचा खुलासा#FactCheck pic.twitter.com/cmRf3OCMMv— MAHARASHTRA DGIPR (@MahaDGIPR) March 18, 2020
राज्यात कोरोना संशयित रुग्णांची तपासणी करताना रक्ताची चाचणी केली जात नाही. संबंधित रुग्णाचा घशाचा द्राव घेऊन प्रयोगशाळेत पाठविला जातो. यासाठी महाराष्ट्रात सध्या मुंबईत कस्तुरबा रुग्णालय प्रयोगशाळा, पुणे येथे राष्ट्रीय विषाणू संस्था आणि नागपूर येथे वैद्यकीय महाविद्यालय या तीन ठिकाणी सोय उपलब्ध आहे.
याच तीन ठिकाणी सध्या तरी कोरोनाच्या रुग्णांचे नमुने पाठविले जातात. पुढील काही दिवसात ही सुविधा मुंबई केईएम रुग्णालय, मुंबई, हाफकीन यांच्यासह चार ते पाच ठिकाणी वाढविण्यात येणार आहे.
सोशल मीडियावर सध्या कोरोनाच्या रक्त चाचणीसाठी महाराष्ट्रातील हॉस्पिटलची यादी व्हायरल होत आहे. कोरोनाच्या तपासणीसाठी रक्ताची चाचणी केली जात नसल्याचे आरोग्य विभाकडून स्पष्ट करण्यात आले आहे. नागरिकांनी अशा चुकीच्या संदेशांवर विश्वास ठेवू नये, असे आवाहनही आरोग्य विभागाकडून करण्यात आले आहे.
जाहिरात
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
