मंगळवेढा टाईम्स न्युज नेटवर्किंग ।
आश्विन शुक्ल प्रतिपदेपासून सुरू होणारे शारदीय नवरात्र यंदा १० दिवसांचे असणार आहे. यंदा रविवार, दि. ११ ऑक्टोबर रोजी नवरात्रारंभहोणार असून याच दिवशी घरोघरी घटस्थापना केली जाईल.
या दिवशी दिवसभर वैधृती योग असला तरीही प्रतिवर्षीप्रमाणे पहाटे ४:५६ पासून दुपारी १:३५ पर्यंत कधीही घटस्थापना करता येईल, अशी माहिती दाते पंचांगकर्ते यांनी दिली आहे.
साधारणपणे नवरात्र हे नऊ दिवसांचे असते. परंतु तिथीच्या क्षयवृद्धीमुळे कधी ८ किंवा १० दिवसांचे नवरात्र होऊ शकते. यावर्षी सप्तमी तिथीची वृद्धी झाल्याने नवरात्र १० दिवसांचे असणार आहे. गेल्या वर्षी २०२५ मध्ये देखील तृतीया वृद्धीतिथी होती आणि नवरात्र १० दिवसांचे होते.
माळा आणि उपवासाचे नियम
नवरात्रामध्ये देवीस रोज एक माळ अर्पण करताना जितक्या दिवसाचे नवरात्र असेल तेवढ्या माळा रोज एक याप्रमाणे अर्पण कराव्यात. वृद्धी असल्याने दोन दिवसांच्या दोन स्वतंत्र माळा अर्पण कराव्यात.
अनेकजण नवरात्रीचे सर्व दिवस उपवास करतात. काही कारणाने ते शक्य नसल्यास पहिल्या आणि शेवटच्या दिवशी उपवास करावा. तसे करणे ही शक्य नसल्यास किमान अष्टमीच्या दिवशी तरी उपवास करावा.
नवरात्रापूर्वी अशौच आल्याने प्रतिपदेस नवरात्र बसविता येणार नसेल तर अशौच संपल्यावर सप्तरात्रोत्सवारंभ (१३ ऑक्टोबर), पंचरात्रोत्सवारंभ (१५ ऑक्टोबर), त्रिरात्रोत्सवारंभ (१७ ऑक्टोबर) किंवा एकरात्रोत्सवारंभ (१९ ऑक्टोबर) असे पंचांगात दिलेल्या दिवशी कमी दिवसाचे नवरात्र करावे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
