शेतकऱ्यांना दिवसा वीज द्या आणि स्मार्ट मीटरची सक्ती थांबवा; बोंबाबोंब आंदोलन शिवसेना आक्रमक; मंगळवेढा महावितरणला ८ दिवसांची मुदत; नेमकी अडचण आणि नागरिकांचा विरोध का?

मंगळवेढा टाईम्स न्युज नेटवर्क ।

मंगळवेढा तालुक्यामध्ये महावितरणकडून ग्राहकांच्या संमतीशिवाय जबरदस्तीने बसवण्यात येणाऱ्या स्मार्ट मीटरच्या कारभाराविरोधात आता जनक्षोभ उसळला आहे. “स्मार्ट मीटरची सक्ती तात्काळ थांबवा, अन्यथा येत्या ३ ऑगस्ट रोजी महावितरणच्या कार्यालयासमोर तीव्र ‘बोंबाबोंब आंदोलन’ छेडले जाईल,” असा इशारा शिवसेना कामगार पक्षाच्या वतीने महावितरणचे उपकार्यकारी अभियंता संजय मरळी यांना निवेदनाद्वारे देण्यात आला आहे.

नेमकी अडचण आणि नागरिकांचा विरोध का?

बिलात भरमसाठ वाढ:
गेल्या काही दिवसांपासून पारंपरिक मीटर काढून जबरदस्तीने स्मार्ट मीटर बसवले जात आहेत. ज्या ग्राहकांच्या घरी हे मीटर बसवले आहेत, त्यांच्या वीज बिलात थेट ३०% ते ५०% वाढ झाल्याच्या गंभीर तक्रारी समोर येत आहेत.

प्रिपेड रिचार्जची भीती:

भविष्यात हे मीटर प्रिपेड करून सक्तीने रिचार्ज करायला लावले जाईल, अशी भीती सर्वसामान्य वीज ग्राहकांमध्ये पसरली आहे.

शासनाच्या आदेशाचे उल्लंघन:

विधानसभेत बोलताना “सामान्य ग्राहकांवर स्मार्ट मीटरची सक्ती केली जाणार नाही आणि ग्राहकांच्या संमतीलाच प्राधान्य दिले जाईल,” असे स्पष्ट केले असतानाही मंगळवेढ्यात मात्र अधिकाऱ्यांकडून सक्तीने मीटर बसवले जात आहेत.

शिवसेना व ग्रामस्थांच्या प्रमुख मागण्या:

१. स्मार्ट मीटर सक्ती बंद करा: संमतीशिवाय मीटर बदलण्याचे काम तात्काळ थांबवण्यात यावे.
२. शेतकऱ्यांना दिवसा ८ तास वीज: शेतकऱ्यांना रात्री किमान ६ तासांची विश्रांती मिळण्यासाठी रात्री १० ते पहाटे ४ या वेळेत वीज बंद ठेवून दिवसा अखंडित ८ तास पुरवठा करावा.

३. लवंगी व येळगी गावातील प्रश्न: लवंगी येथील AG लाईन सिंगल फेज (रात्री ६ ते १० बंद असलेली) त्वरित सुरू करावी, तसेच येळगी गावात भगीरथ लाईट सुरू करून नागरिकांचा त्रास थांबवावा.

४. पायाभूत सुविधांची दुरुस्ती: मोडलेले, वाकलेले पोल दुरुस्त करून जीर्ण तारा बदलाव्यात; प्रत्येक गावात विनाअडथळा पुरवठ्यासाठी AB स्विच बसवावेत.

५. नियोजित दुरुस्ती वेळ: दुरुस्तीची कामे फक्त बुधवारी सकाळी ९ ते सायंकाळी ५ या वेळेतच करावीत.

”८ दिवसांत निर्णय घ्या, अन्यथा…”

महावितरणने येत्या ८ दिवसांत सर्व मागण्या मान्य करून त्यावर योग्य कारवाई केली नाही, तर ३ ऑगस्ट रोजी उपकार्यकारी अभियंता कार्यालयासमोर जोरदार बोंबाबोंब आंदोलन करण्यात येईल, असा स्पष्ट इशारा निवेदनातून देण्यात आला आहे.

निवेदन देतेवेळी जिल्हा प्रसिद्धीप्रमुख राजेंद्र सावंत, जिल्हाध्यक्ष राजकुमार स्वामी, जिल्हा उपाध्यक्ष कृष्णा सोमुत्ते, तालुका प्रसिद्धीप्रमुख तानाजी इंगळे, तालुकाध्यक्ष मारुती वाघमारे, दिगंबर गरंडे, चिदानंद हुवाळे, नितीन पाटील, अमोगसिद्ध काकनकी, गुंडाप्पा पाटील, विठ्ठल चौगुले, नागेश लिगाडे, बापूराव लिगाडे,

श्रीकांत पुजारी, प्रसाद कवचाळे, जमीर इनामदार, शशीकांत गुरमुळे, दत्ता करगुडे, बसवंत कोरे, दिगंबर बागल, मुकेश कोरे, गोपाल बाबर, आदम शेख, महादेव सुनील सर्जे, अशोक निकम, अशोक बनसोडे, वसंत बाबर, मायाप्पा पांढरे, तानाजी खडतरे, बबन मुंगसे, लखन स्वामी यांच्यासह मोठ्या संख्येने स्थानिक ग्रामस्थ उपस्थित होते.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स