टीम मंगळवेढा टाईम्स (प्रतिनिधी):
एमआयडीसी मंगळवेढा येथील उद्योजकांच्या हितासाठी कार्यरत असलेल्या ‘इंडस्ट्रियल उद्योजक असोसिएशन’च्या नवीन कार्यकारिणीची निवड रविवारी अत्यंत उत्साहपूर्ण वातावरणात पार पडली. गुप्त मतदान प्रक्रियेद्वारे झालेल्या या निवडीत अध्यक्षपदी प्रशांत मोरे तर सचिवपदी सोमनाथ माळी यांची बहुमताने निवड करण्यात आली आहे.
हॉटेल ‘स्वाद एक्झिक्यूटिव्ह’ येथे आयोजित या महत्त्वपूर्ण बैठकीच्या अध्यक्षस्थानी ज्येष्ठ उद्योजक संजय कट्टे होते, तर निवडणूक निर्णय अधिकारी म्हणून ॲड. दत्तात्रय खडतरे यांनी चोख जबाबदारी पार पाडली.
या बैठकीला अर्जुन पाईपचे मालक दत्तात्रय भुसे, नंदकुमार माने, नागेश वाघमारे, आनंद टोणगे यांच्यासह एमआयडीसीतील अनेक उद्योजक मोठ्या संख्येने उपस्थित होते.
नवी कार्यकारिणी खालीलप्रमाणे:
गुप्त मतदान प्रक्रियेनंतर असोसिएशनच्या नवीन पदाधिकाऱ्यांची अधिकृत घोषणा करण्यात आली.
अध्यक्ष: प्रशांत भानुदास मोरे, उपाध्यक्ष: सोमनाथ मनोहर मेहेरकर, सचिव: सोमनाथ शंकर माळी
खजिनदार: अरुण दामोदर गुंगे
संचालक मंडळ:
किरण औदुंबर वाडदेकर, वैभव उत्तम भुसे, श्री. भरत राजपुरोहित, श्री. निशिकांत कुलकर्णी, श्री. अंकुश हिप्परकर, श्री. धनाजी वाखरकर, श्री. शिवराज ज्योतीराम दत्तू, श्री. संतोष ननवरे, श्री. संजय जयवंत कट्टे, श्री. सतीश मोहिते, श्री. कुलदीप पुकाळे, श्री. विजय विलास गाढवे, श्री. रामचंद्र शरणाप्पा माळी, श्री. मोहन हेंबाडे आणि महिला संचालक म्हणून कुमारी सुजाता भारत मुळीक यांची निवड झाली आहे.
एमआयडीसीच्या विकासासाठी कटिबद्ध: नवनिर्वाचित अध्यक्ष
निवडीनंतर पोलीस उपनिरीक्षक नागेश बनकर यांच्या उपस्थितीत नवनिर्वाचित पदाधिकाऱ्यांचा सत्कार करण्यात आला.
”एमआयडीसी परिसरातील पायाभूत सुविधा, उद्योजकांच्या सार्वजनिक व औद्योगिक समस्या सोडवण्यासाठी आम्ही कटिबद्ध आहोत. आमदार समाधान आवताडे यांच्या माध्यमातून राज्य शासनाकडे सातत्याने पाठपुरावा करून मंगळवेढा एमआयडीसीच्या विकासाला गती देऊ.”
— प्रशांत मोरे (नवनिर्वाचित अध्यक्ष)
पायाभूत सुविधांवर सविस्तर चर्चा
जुलै २०२३ पासून कार्यरत असलेल्या या असोसिएशनच्या बैठकीत एमआयडीसी क्षेत्रातील रस्ते, पाणी, वीज यांसारख्या पायाभूत सुविधा आणि उद्योजकांसाठी राबवायच्या नवीन उपक्रमांवर सविस्तर मंथन झाले.
या नवीन आणि तरुण कार्यकारिणीच्या निवडीमुळे मंगळवेढा एमआयडीसीच्या औद्योगिक विकासाला नवी दिशा मिळेल, असा विश्वास सर्व उद्योजकांनी व्यक्त केला आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
