टीम मंगळवेढा टाईम्स :
सोलापूर जिल्ह्यात पावसाने ओढ दिल्यामुळे शेतकरी आणि नागरिक पाणीटंचाईच्या मोठ्या संकटात सापडले होते. पेरण्या रखडल्याने आणि पिके करपू लागल्याने बळीराजा चिंतेत होता.
या पार्श्वभूमीवर, आमदार समाधान आवताडे यांनी तातडीने पावले उचलत केलेल्या आक्रमक मागणीला राज्य सरकारने सकारात्मक प्रतिसाद दिला आहे.
उजनी धरण आणि म्हैसाळ उपसा सिंचन योजनेतून विविध कालव्यांना पाणी सोडण्यात आले असून, यामुळे दुष्काळी भागाला प्रचंड मोठा दिलासा मिळाला आहे.
पुणे परिसरात झालेल्या चांगल्या पावसामुळे उजनी धरण ‘प्लस’मध्ये आले आहे. हीच संधी साधत आमदार आवताडे यांनी मुख्यमंत्री देवेंद्र फडणवीस आणि जलसंपदा मंत्री राधाकृष्ण विखे-पाटील यांना पत्राद्वारे व प्रत्यक्ष भेटून दुष्काळी भागासाठी तातडीने पाणी सोडण्याची मागणी केली होती. सरकारने या मागणीची दखल घेत तात्काळ पाणी सोडण्याचे आदेश दिले.
पाण्याचे असे झाले नियोजन (क्युसेक्समध्ये):
आमदार समाधान आवताडे यांच्या मागणीनुसार खालीलप्रमाणे विविध योजनांमध्ये पाणी सोडण्यात आले आहे:
भीमा सिना जोड कालव्यामध्ये ९०० क्युसेक्स, सीना माढा उपसा सिंचन योजनेसाठी 300 क्युसेक्स ,उजनी डावा कालव्यासाठी 900 क्युसेक्स ,उजनी उजवा कालवा 2100 क्युसेक्स ,दहीगाव उपसा सिंचन योजनेसाठी ७० क्युसेक्स ,आषाढी वारीसाठी भीमा नदीत 4000 क्युसेक्स पाणी सोडण्यात आले आहेत.
सोलापूर जिल्ह्यात अद्यापही पावसाने ओढ दिली असून पेरणी करण्यास अनुकूल स्थिती अद्यापही नाही. त्यामुळे या भागातील शेतकरी पाणी आणि पेरणी या दोन्हीपासून संकटात सापडला आहे. त्यामुळे सध्या सोडलेल्या आवर्तनामुळे शेती पिकांसाठी व पिण्याचा पाण्याचा प्रश्न सध्या तरी सुटला आहे.
कृष्णा, पंचगंगा नदीचे पावसामुळे पुराचे अतिरिक्त वाहून जाणारे पाणी म्हैसाळ योजनेच्या वितरिका १ आणि २, तसेच उमदी वितरिका कालव्यात सोडण्याबाबत संबंधितांना आदेश करावे, अशी मागणी आ आवताडे यांनी केली होती याची दखल घेत म्हैसाळ योजनेतूनही पाणी सोडण्यात आले आहे.
शेतकरी आणि नागरिकांची चिंता मिटली!
जिल्ह्यात पेरणीयोग्य पाऊस नसल्याने शेती पिके धोक्यात आली होती आणि पिण्याच्या पाण्याचा प्रश्न गंभीर बनत चालला होता. मात्र, आमदार समाधान आवताडे यांच्या तत्परतेमुळे आता शेती पिकांसह पिण्याच्या पाण्याचा प्रश्न सध्या तरी पूर्णपणे सुटला असून, संपूर्ण जिल्ह्यातून समाधान व्यक्त होत आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
