मंगळवेढा टाईम्स न्युज नेटवर्क ।
भीमा नदीकाठच्या वीज पुरवठ्यात सुधारणा झाली नाही तर आम्हाला कर्नाटकात जाण्याची परवानगी द्या, अशी मागणी करणारे निवेदन आळगे (ता.अक्कलकोट) येथील शेतकऱ्यांनी शनिवारी (११ जुलै) जिल्ह्याचे पालकमंत्री जयकुमार गोरे यांच्याकडे निवेदनाद्वारे केली आहे.
या निवेदनात भीमा नदीकाठावरील गावांच्या शेतीसाठी केवळ दोन तास वीज पुरवठा होत असल्याने शेती धोक्यात आली आहे. जनावरांच्या चाऱ्याचा प्रश्न गंभीर बनला असून, दुग्ध व्यवसाय करणारा शेतकरी आर्थिक अडचणीत सापडला आहे.
भीमा नदीकाठच्या कर्नाटक बाजूला मात्र तेथील सरकार शेतकऱ्यांना आठ तास वीज पुरवठा करीत आहे. त्यामुळे महाराष्ट्र सरकार आमच्यावर अन्याय करीत असल्याची भावना या निवेदनातून शेतकऱ्यांनी मांडली आहे.
दक्षिण सोलापूर तालुक्यातील हत्तरसंग आणि कुडल परिसरातील शेतकऱ्यांनी गेल्या काही दिवसापासून वीज पुरवठ्याच्या कारणाने शेतकरी भरडला जात आहे. शेतीचे अतोनात नुकसान होत असल्याने आम्हाला कर्नाटकात जाण्याची परवानगी द्या अशी मागणी लावून धरली आहे.
अण्णाराव पाटील आणि मल्लिकार्जुन नरोनी या शेतकऱ्यांनी जिल्हाधिकारी, पालकमंत्री आणि सोलापूर दक्षिणचे आमदार यांना दिलेल्या निवेदनात राज्य सरकार आपल्यासोबत सापत्न वागणूक देत असल्याचा आरोप केला आहे.
द्विधावस्थेच्या कात्रीत..
एकीकडे जून जाऊन जुलैही सरण्याच्या मार्गावर असताना शेतकरी चातकासारखी पावसाची वाट पाहत आहे. त्यातच महावितरणकडून वीजेच्या बाबतीत शेतकऱ्यांच्या पदरी निराशा पडत आहे. या कात्रीतून जिल्ह्यातील सर्व शेतकऱ्यांची मागणी आहे. सुटका व्हावी अशीच
पाच तास वीजपुरवठा तरीही…
जिल्हाधिकाऱ्यांनी शुक्रवारी राज्य वीज वितरण कंपनीच्या अधीक्षक अभियंत्यांना भीमा नदीकाठच्या शेतकऱ्यांना पाच तास वीज पुरवठा करण्याचे निर्देश दिले आहेत. तरीही आळगे येथील शेतकऱ्यांनी राज्य शासनाच्या विरोधातील आपला संताप व्यक्त करीत पालकमंत्र्यांची भेट घेऊन भावना व्यक्त केल्या.
कुरनूर धरणाच्या शेतकऱ्यांचा आक्रोश
गेले महिनाभर कुरनूर धरण परिसरातील वीज पुरवठा खंडित केल्याने चुंगी, कुरनूर, चपळगाव, हन्नूर, बावकरवाडी, आदी गावांच्या शेतकऱ्यांचे मोठे नुकसान होत आहे.
शासनाने भीमा नदीकाठच्या शेतकऱ्यांना पाच तास वीजपुरवठा करण्याचे आदेश नुकतेच दिले आहेत. याच पार्श्वभूमीवर कुरनूर धरण परिसरातील शेतकऱ्यांकडे का पाहिले जात नाही, असा सवाल शेतकरी विचारत आहेत.(स्रोत:लोकमत)
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
