टीम मंगळवेढा टाईम्स।
माहेरच्यांनी विकलेल्या शेतजमिनीच्या पैशातून मोटारसायकल आणि ट्रॅक्टर घेण्यासाठी २ लाख रुपये घेऊन ये, या मागणीसाठी विवाहितेचा शारीरिक व मानसिक छळ करून तिला आत्महत्येस प्रवृत्त केल्याची धक्कादायक घटना मंगळवेढ्यातील हजारे गल्ली येथे घडली आहे.
याप्रकरणी मृत विवाहितेच्या आईने दिलेल्या फिर्यादीवरून पती, सासू आणि दिराविरुद्ध मंगळवेढा पोलीस ठाण्यात गुन्हा दाखल करण्यात आला आहे.
उर्मिला व्यंकू घोडके (वय २८, रा. हजारे गल्ली, मंगळवेढा) असे मृत दुर्दैवी विवाहितेचे नाव आहे. याप्रकरणी तिची आई लक्ष्मी गंगाधर पवार (वय ४३, रा. पवार वस्ती, लक्ष्मी टाकळी, ता. पंढरपूर) यांनी पोलिसांत फिर्याद दिली आहे.
पैशांसाठी सातत्याने छळ
पोलिसांकडून मिळालेल्या माहितीनुसार, मृत उर्मिला हिच्या माहेरच्यांनी त्यांची शेतजमीन विकली होती. याचाच गैरफायदा घेत तिचे पती व्यंकू जयराम घोडके, सासू सुनीता जयराम घोडके आणि दीर किरण जयराम घोडके (दोघे रा. वडार गल्ली, शनिवार पेठ, मंगळवेढा) यांनी, “तुझ्या माहेरच्यांनी जमीन विकली आहे,
त्यातील तुझ्या हिश्शाचे २ लाख रुपये मोटारसायकल आणि ट्रॅक्टर घेण्यासाठी घेऊन ये,” अशी मागणी लावून धरली होती. या पैशांसाठी उर्मिलाला वारंवार शिवीगाळ व मारहाण करत तिचा असह्य शारीरिक आणि मानसिक छळ केला जात होता.
राहत्या घरी घेतला गळफास
सासरच्या जाचाला कंटाळून अखेर उर्मिला हिने रविवार, दिनांक ०५ जुलै २०२६ रोजी सकाळी १०:३० वाजताच्या सुमारास मंगळवेढ्यातील हजारे गल्ली येथील आपल्या राहत्या घरी गळफास लावून आत्महत्या केली. या घटनेमुळे परिसरात एकच खळबळ उडाली आहे.
पोलिसांत गुन्हा दाखल, तपास सुरू
मुलीच्या आत्महत्येनंतर संतप्त झालेल्या आईने मंगळवेढा पोलीस ठाण्यात धाव घेऊन तक्रार नोंदवली. पोलिसांनी याप्रकरणी
पती व्यंकू घोडके, सासू सुनीता घोडके आणि दीर किरण घोडके यांच्याविरुद्ध भारतीय न्याय संहिता (BNS) कलम १०८ आणि ३ (५) प्रमाणे गुन्हा (गुरनं ६२२/२०२६) दाखल केला आहे.
घटनेची गांभीर्याने दखल घेत, मंगळवेढा पोलीस निरीक्षकांच्या आदेशानुसार या गुन्ह्याचा पुढील तपास सहाय्यक पोलीस निरीक्षक ढेरे हे करत आहेत. न्यायालयात या गुन्ह्याचा वर्दी रिपोर्ट पाठवण्याची प्रक्रिया सुरू असून, पोलीस आरोपींचा शोध घेत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
