महायुती सरकारचं मोठं पाऊल, ‘या’ शहरामध्ये सुरू होतेय देवाभाऊ टॅक्सी सेवा; स्वस्तात मस्त होईल प्रवास

मंगळवेढा टाईम्स न्युज नेटवर्किंग। 

मुंबई आणि उपनगरामध्ये ओला, उबेर आणि रॅपिडो सारख्या खासगी टॅक्सीने चांगलेच हातपाय पसरले आहे. पण, या खासगी कंपन्यांच्या कमिशनगिरीमुळे चालक आणि मालकांना आर्थिक तोटा सहन करावा लागत आहे.

त्यामुळे याच धर्तीवर आता राज्य सरकार आता स्वस्तात मस्त अशी देवाभाऊ सहकार टॅक्सी आणि छावा टॅक्सी सेवा आणणार आहे. भाजपचे नेते प्रवीण दरेकर यांनी देवाभाऊ टॅक्सी सेवा लवकरच सुरू करणार आहे, अशी माहिती दिली आहे.

दिल्ली आणि कोलकाता सारख्या शहरांमध्ये राज्य सरकारकडून भारत टॅक्सी अॅप चालवले जाते. आता याच धर्तीवर महाराष्ट्रातही राज्य सरकार देवाभाऊ टॅक्सी आणि छावा टॅक्सी अॅप सुरू करणार आहे, अशी माहिती प्रवीण दरेकर यांनी दिली.

“दिल्लीमध्ये केंद्रीय मंत्री अमित शाह यांनी भारत टॅक्सी सेवा आणली आहे. या टॅक्सीमुळे चालक आणि मालकाला फायदा होत आहे. त्या ठिकाणी या खासगी टॅक्सी कंपन्या भरमसाठ कमिशन लादून चालकाकडून पैसे लाटत असतात.

पण भारत टॅक्सीमुळे याला आळा बसला आहे. टॅक्सी चालक आणि मालकांना फायदा झाला आहे. आता मुंबई आणि एममएमआरडी परिसरामध्ये देवाभाऊ टॅक्सी आणि छावा टॅक्सी सेवा येणार आहे” असं दरेकर यांनी सांगितलं.

एमएमआरडीए परिसरात होणार पहिली सुरुवात

“मुख्यमंत्री देवेंद्र फडणवीस यांनी बैठक घेतली आणि या योजनेला हिरवा कंदील दिला. याबद्दल परिवहन मंत्री प्रताप सरनाईक यांनी आजच या संदर्भात धोरण नक्की केलं आहे.

सर्व नियम आणि नियमावली तयार झाली आहे. लवकरत देवाभाऊ सहकार टॅक्सी मुंबई आणि एमएमआरडीए परिसरात येणार आहे’ असंही दरेकर यांनी स्पष्ट केलं.

2 ते 5 हजार टॅक्सी सुरू होणार

“या टॅक्सी सेवेमुळे ओला, उबेर आणि रॅपिडो सारख्या कंपन्या आहे ज्या भरमसाठ कमिशन घेत असतात. आता नफा थेट चालक आणि मालकाला मिळणार आहे. त्यामुळे मुंबई करांना चांगली सेवा मिळणार आहे.

याचा फायदा चालकांना होणार आहे, यासाठी नोंदणी मोठ्या प्रमाणात सुरू आहे. या पहिल्या फेजमध्ये २ ते ५ हजार वाहनं हे एमएमआरडीए परिसरात उपलब्ध होतील’ असंही त्यांनी सांगितलं.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज