मंगळवेढा टाईम्स न्युज नेटवर्किंग ।
ग्रामीण भागातील सर्वसामान्यांचे प्रश्न विनाविलंब सुटावेत आणि शासकीय कामात पूर्ण पारदर्शकता यावी, यासाठी सोलापूर जिल्हा परिषदेचे मुख्य कार्यकारी अधिकारी (CEO) कुशल जैन यांनी एक अत्यंत महत्त्वाचा आणि दिलासादायक निर्णय घेतला आहे. नागरिकांच्या समस्या थेट जाणून घेण्यासाठी त्यांनी आठवड्यातील दोन दिवस विशेष वेळ राखीव ठेवली आहे.
परंतु, जर काही कारणास्तव सीईओ कार्यालयात उपस्थित नसू शकले, तर नागरिकांना आता चकरा मारण्याची गरज नाही.
नागरिक आपला अर्ज किंवा तक्रार पुराव्यासह थेट सीईओ यांच्या ९७४१६२७४९७ या अधिकृत मोबाईल क्रमांकावर व्हॉट्सअॅप (WhatsApp) करू शकतात.
या निर्णयामुळे आता सर्वसामान्य जनतेला आपल्या तक्रारी घेऊन थेट वरिष्ठ अधिकाऱ्यांची भेट घेता येणार आहे. सीईओ जैन यांनी नागरिकांना भेटीसाठी दर सोमवार आणि शुक्रवारी दुपारी ३ ते सायंकाळी ५ वाजेपर्यंत वेळ राखून ठेवली आहे.
नागरिकांनी या सुविधेचा लाभ घ्यावा, असे आवाहन करण्यात आले आहे. पदाधिकारी निवडीनंतर जिल्हा परिषदेत गर्दी वाढली आहे. लोकांची कामे करण्यावर पदाधिकारी व अधिकारी यांनी भर दिला आहे.
तक्रारीची तत्काळ दखल अन् चौकशी..
व्हॉट्सअॅप क्रमांकावर प्राप्त होणाऱ्या प्रत्येक अर्जाची आणि तक्रारीची रीतसर चौकशी केली जाईल आणि त्याबाबतची अपडेट संबंधित नागरिकाला कळवली जाईल, अशी ग्वाही प्रशासनाकडून देण्यात आली आहे.
प्रशासनाच्या या डिजिटल आणि लोकाभिमुख धोरणामुळे नागरिकांमध्ये समाधानाचे वातावरण असून, यामुळे शासकीय कामाला अधिक गती मिळेल, अशी आशा व्यक्त केली जात आहे.
नागरिकांच्या अडचणी, तक्रारी सोडविण्यास प्राधान्य
अनेकदा शासकीय दौऱ्यांमुळे किंवा तातडीच्या कार्यालयीन कामांमुळे माझी भेट होऊ शकत नाही. अशा वेळी नागरिकांचा वेळ आणि फेऱ्या वाया जाऊ नयेत, म्हणून मी स्वतः एक डिजिटल आणि अत्यंत सोयीस्कर पर्याय उपलब्ध करून दिला आहे. नागरिकांच्या अडचणी, तक्रारी सोडविण्यास मी स्वतः प्राधान्य देणार आहे.- कुशल जैन, सीईओ, जिल्हा परिषद.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
