मंगळवेढा टाईम्स न्युज नेटवर्क।
नीट पेपरफुटी प्रकरणाचा तपास करण्यासाठी सीबीआय पुणे पथकाचा लातुरातील मुक्काम लांबला असून, काल रविवारी या पथकाने दिवसभर कागदपत्रांची पडताळणी केली.
तर नीट परीक्षा झाल्यानंतर दोघा डॉक्टरांनी नोट्स आणि इतर कागदपत्रे रद्दीमध्ये विकल्याची कबुली दिली आहे. आता या रद्दीमध्ये विक्री केलेल्या कागदात नेमके काय होते? याचा शोध घेतला जात आहे.
‘नीट’ पेपरफुटी प्रकरणात प्रारंभी प्रा. पी.व्ही. कुलकर्णी यास सीबीआयने उचलल्यानंतर लातूर रडारवर आले.
कुलकर्णी पाठोपाठ शिवराज मोटेगावकर यालाही अटक झाली. चौकशीत लातुरातील एका बालरोगतज्ज्ञांचे नाव समोर आले.
आता लातुरातील इतर तिघा डॉक्टरांची नावेही उघड झाली. आतापर्यंत चार डॉक्टरांची सीबीआयने कसून चौकशी केली.
त्यांच्याकडे असलेली संशयास्पद कागदपत्रे, मोबाइल आणि इतर साहित्य जप्त केले.
जप्त केलेले साहित्य पुण्याला पाठविले. पुण्यातील तपासामध्ये हाती येणाऱ्या धोग्यादोऱ्यांवरच आता लातुरातील तपासची चक्रे फिरू लागली आहेत. तर सोलापूर जिल्ह्यात सीबीआयने गोपनीय माहिती घेतल्याची चर्चा सुरू आहे.
पेपरफुटीच्या तपासासाठी लातुरात धडकलेल्या ‘सीबीआय’ पथकाचा ११ वा दिवस आहे. या प्रकरणाचा संदर्भाने तपास करण्यासाठी लातुरात पाच जणांचे पथक ठाण मांडून आहे.
यामध्ये एक वरिष्ठ अधिकारी 3 आणि इतर चौघांचा समावेश आहे. टप्प्या-टप्प्याने यातील अधिकारी, कर्मचारी बदलत आहेत. दिल्ली-पुण्यातील वरिष्ठांच्या सूचनेनुसार तपासाला गती दिली जात आहे.
‘नीट’ला नाट
शुभम खैरनारला न्यायालयीन कोठडी
नवी दिल्ली : नीट पेपरफुटी प्रकरणातील आरोपी शुभम खैरनार याला दिल्लीतील विशेष न्यायालयाने ६ जूनपर्यंत न्यायालयीन कोठडीत पाठवले. सीबीआयच्या अर्जावर विशेष न्यायाधीश रुची अग्रवाल असरानी यांनी हा आदेश दिला. तो पुराव्यांसह छेडछाड करु शकतो असा, सीबीआयला संशय आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
