मंगळवेढा टाईम्स न्युज नेटवर्किंग ।
अमेरिका-इस्रायल आणि इराण यांच्यातील युद्धामुळे जगातिक पातळीवर उर्जासंकट निर्माण झाले आहे. याचा फटका भारतालाही बसतो आहे. भारतात घरगुती एलपीजी सिलिंडरचा मोठा तुटवडा निर्माण झाला आहे.
आखाती देशांतून येणाऱ्या नैसर्गिक वायूचा पुरवठा खंडित झाल्याने ही समस्य उद्भवली आहे. या युद्धामुळे भारतात लोकांना वेळेवर गॅस सिलिंडर मिळत नाहीये. विशेष म्हणजे गॅस सिलिंडर बुक करूनही लोकांना चार ते सात दिवस वाट पाहावी लागत आहे.
अशा स्थितीत अनेक ठिकाणी गॅस सिलिंडरचा काळाबाजार केला जातोय. सामान्याना लुटले जात आहे. या फसवणुकीला आळा बसावा यासाठी आता सरकारने मोठा निर्णय घेतला आहे. सरकारने गॅस सिलिंडर बुकिंग आणि डिलिव्हरीमध्ये एक महत्त्वाचा निर्णय घेतला आहे.
सरकारने नेमका काय निर्णय घेतला?
आता गॅस सिलिंडर बुकिंगवेळी होणार काळाबाजार रोखण्यासाठी सरकारने एक नवा नियम आणला आहे. गॅस बुक केल्यानंतर आता प्रत्येक वेळी DAC नंबर म्हणजेच डिलिव्हर ऑथेंटिफिकेशन नंबर मिळेल. हा डीएसी नंबर गॅस डिलिव्हरी करताना तुम्हाला डिलिव्हरी बॉयला द्यावा लागेल.
तुमच्याकडे हा डीएसी नंबर नसेल तर तुम्हाला गॅस सिलिंडर मिळणार नाही. विशेष म्हणजे हा नियम लागूदेखील झाला असून देशातील साधारण 92 टक्के गॅस सिलिंडरची डिलिव्हरी अशाच प्रकारे केली जात आहे.
या डीएसी नंबरच्या प्रक्रियेत अलिकडेच तांत्रिक बिघाड झाला होता. त्यामुळे यात काही अपडेट करण्यात आले होते. या अपडेटमुळे गॅस डिलिव्हरीची प्रक्रिया सोपी होणार आहे.
डीएसी नंबर कसा मिळतो?
दरम्यान, तुम्ही कॉल किंवा एसएमएस करून गॅस सिलिंडर बुक केल्यानंतर तुम्हाला डीएसी नंबर मिळतो. त्यासाठी गॅस बुक केल्यानंतर थोडा वेळ वाट पाहावी. त्यानंतर तुम्हाला रजिस्टर्ड मोबाईलवर एक नंबर मिळेल.
हाच नंबर डीएसी नंबर असेल. गॅस डिलिव्हरी बॉय तुमच्याकडे गॅस सिलिंडर द्यायला येईल, त्या वेळी तुम्ही हा डीएसी नंबर त्याला सांगावा. त्यानंतरच तुम्हाला गॅस सिलिंडर मिळेल.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
