मंगळवेढा टाईम्स न्युज नेटवर्किंग।
मंगळवेढा तालुक्यातील नंदूर येथे सख्ख्या भावांमध्ये शेतीच्या कारणावरून झालेल्या वादाचे रूपांतर हिंसक हाणामारीत झाले आहे. किरकोळ कारणावरून सुरू असलेल्या वादाने
काल रौद्र रूप धारण केले असून, एका भावाने दुसऱ्याच्या डोक्यात प्लास्टिकची खुर्ची घालून त्याला गंभीर जखमी केल्याची धक्कादायक घटना घडली आहे. याप्रकरणी मंगळवेढा पोलीस ठाण्यात गुन्हा दाखल करण्यात आला आहे.
नेमकी घटना काय?
मिळालेल्या माहितीनुसार, फिर्यादी प्रकाश अमोघसिद्ध माड्याळकर (वय २९) आणि त्यांचा भाऊ राकेश अमोघसिद्ध माड्याळकर यांच्यात शेतीच्या कारणावरून गेल्या काही दिवसांपासून धुसफूस सुरू होती.
काल दि.२१ एप्रिल रोजी सकाळी प्रकाश हे एका लग्नासाठी बाहेर गेले होते. दुपारी २.३० च्या सुमारास ते घरी परतले असता, घरासमोरच राकेशने त्यांना अडवून शिवीगाळ करत दमदाटी करण्यास सुरुवात केली.
समिटाच्या वेळीच भडकला राडा
घरातील वाद मिटवण्यासाठी गावातील प्रतिष्ठित व्यक्ती मलकाण्णा पाटील व निंगाण्णा पाटील यांना बोलावण्यात आले होते. सर्वजण बसून चर्चा करत असतानाच अचानक राकेशचा पारा चढला.
त्याने रागाच्या भरात प्रकाश यांना लाथाबुक्क्यांनी मारहाण करण्यास सुरुवात केली आणि घरातील प्लास्टिकची खुर्ची उचलून थेट प्रकाश यांच्या डोक्यात मारली. या हल्ल्यात प्रकाश यांच्या डोक्याला गंभीर दुखापत होऊन ते रक्तबंबाळ झाले.
पोलिसांत धाव; उपचार सुरू
या गंभीर प्रकारानंतर जखमी प्रकाश माड्याळकर यांनी तातडीने मंगळवेढा पोलीस ठाणे गाठले. पोलिसांनी घटनेचे गांभीर्य ओळखून त्यांना उपचारासाठी ग्रामीण रुग्णालय, मंगळवेढा येथे दाखल केले आहे.
प्रकाश यांच्या फिर्यादीवरून संशयित आरोपी राकेश माड्याळकर याच्याविरुद्ध तक्रार नोंदवण्यात आली असून, पोलीस हवालदार पवार या प्रकरणाचा अधिक तपास करत आहेत.
सख्ख्या भावांमध्ये रक्ताच्या नात्याला काळीमा फासणाऱ्या या घटनेमुळे नंदूर परिसरात मोठी खळबळ उडाली आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
