टीम मंगळवेढा टाईम्स।
मंगळवेढा शहराच्या सर्वांगीण विकासासाठी आमदार समाधान आवताडे यांच्या शिफारसीनुसार आणि पालकमंत्री जयकुमार गोरे यांच्या सहकार्यातून जिल्हा नियोजन समितीमार्फत सुमारे ३ कोटी ४७ लाख ३८ हजार रुपयांचा भरघोस निधी मंजूर झाला आहे.
यामध्ये नगरोत्थान योजनेतून २ कोटी ६९ लाख, तर दलितेतर योजनेतून ७८ लाख ३८ हजार रुपयांचा समावेश आहे.
आमदारांचा शब्द आणि तातडीची अंमलबजावणी
मंगळवेढा नगरपरिषदेच्या महायुतीमधील सर्व नगरसेवकांनी शहरातील प्रलंबित विकासकामांसाठी आमदार समाधान आवताडे यांच्याकडे निधीची मागणी केली होती.
या मागणीची तातडीने दखल घेत आमदारांनी जिल्हाधिकारी कार्यालय आणि पालकमंत्र्यांकडे शिफारस पत्र दिले होते. त्यांच्या या पाठपुराव्याला यश आले असून, शहरातील अनेक महत्त्वाच्या रस्ते, गटार आणि सार्वजनिक वास्तूंच्या कामांचा मार्ग मोकळा झाला आहे.
निधीतून होणारी प्रमुख कामे:
मंजूर झालेल्या निधीतून शहरातील विविध प्रभागांत खालील महत्त्वाची कामे केली जाणार आहेत:
महात्मा बसवेश्वर लायब्ररी: सी.एस. नंबर ४४५३ च्या जागेत नवीन इमारत बांधकाम.
रस्ते व काँक्रिटीकरण: सिद्धनाथ मंदिर ते मेन रोड, मेजर गायकवाड घर ते अर्बन बँक, बुरुड गल्ली, सोपान लाळे घर ते देवी मंदिर, आणि प्रवीण हजारे गल्ली या परिसरातील रस्त्यांचे काँक्रिटीकरण.
अंडरग्राउंड गटार योजना: संग्राम गाडे घर ते बलभीम बेंद्रे घर, शनिवार पेठ, आणि वसंत बेंद्रे ते रोहित मानकर घर परिसर.
बंदिस्त गटार व रस्ते: बोराळे नाका ते विजापूर रोड, राजमाने घर ते बटू सातारकर आणि मुजावर गल्लीत बंदिस्त गटारींची कामे.
दलितेतर योजना: शंकरलिंग देवस्थान ते चोखामेळा चौक रस्ता व गटार कामाला मंजुरी.
लोकप्रतिनिधींचा सक्रिय पाठपुरावा
या कामांच्या मंजुरीसाठी उपनगराध्यक्ष येताळा भगत, पक्षनेते चंद्रकांत घुले, प्रवीण खवतोडे, बांधकाम सभापती गौरीशंकर बुरुकुल, सभापती सोमनाथ अवताडे, नगरसेवक अजित जगताप, सभापती विजया गुंगे, तरन्नुम दारूवाले, नगरसेविका सावित्रीबाई कोंडूभैरी, सोमनाथ हुशारे, प्रतीक्षा मेटकरी आणि मनीषा मेटकरी यांनी सातत्याने पाठपुरावा केला होता.
निधी मंजूर झाल्याबद्दल मंगळवेढा शहरातील नागरिकांनी पालकमंत्री जयकुमार गोरे आणि आमदार समाधान आवताडे यांचे आभार मानले असून, यामुळे शहराच्या पायाभूत सुविधांचा चेहरामोहरा बदलण्यास मदत होणार आहे.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
