टीम मंगळवेढा टाईम्स ।
येत्या पौर्णिमेच्या पार्श्वभूमीवर शहरात एका घरात जमिनीमध्ये खड्डा खोदून गूढ पूजाविधी करण्यात येत असल्याचे उघडकीस आल्याने खळबळ उडाली आहे.
या प्रकारामुळे परिसरात ‘नरबळी’ दिल्या जात असल्याची चर्चा सुरू होऊन नागरिकांमध्ये भीतीचे वातावरण पसरले होते. मात्र, पोलिसांनी त्वरित कारवाई करत संशयितांना ताब्यात घेतले असून, हा प्रकार नरबळीचा नसल्याचे स्पष्ट केले आहे.
नेमका प्रकार काय?
मंगळवेढा शहरातील एका भागात गेल्या काही दिवसांपासून घरात गुप्तपणे खड्डा खोदण्याचे काम सुरू होते. हा प्रकार संशयास्पद वाटल्याने शेजारील नागरिकांनी चौकशी करण्याचा प्रयत्न केला,
परंतु त्यांना समाधानकारक उत्तर मिळाले नाही. पौर्णिमा जवळ येत असल्याने आणि अशा प्रकारच्या गूढ हालचालींमुळे नागरिकांचा संशय बळावला.
नागरिकांनी तातडीने या घटनेची माहिती मंगळवेढा पोलिसांना दिली.
पोलिसांची तत्पर कारवाई
माहिती मिळताच पोलिसांनी घटनास्थळी धाव घेतली. घरमालक आणि तेथे उपस्थित असलेल्या मांत्रिकाला ताब्यात घेऊन चौकशी केली. या प्रकारामुळे शहरात भीतीचे वातावरण निर्माण झाले होते.
नागरिकांनी अफवांवर विश्वास ठेवू नये
पोलिसांनी केलेल्या सखोल चौकशीत, हा प्रकार कोणत्याही प्रकारच्या नरबळीशी संबंधित नसल्याचे निष्पन्न झाले आहे.
तपासाअंती संशयितांना सोडून देण्यात आले असून, पोलिसांनी नागरिकांना आवाहन केले आहे की, त्यांनी या घटनेबाबत घाबरून जाऊ नये किंवा कोणत्याही अफवांवर विश्वास ठेवू नये.-दत्तात्रय बोरीगिड्डे, पोलीस निरीक्षक
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
