हाहाकार! मंगळवेढ्यात पाऊस आला पण संकट घेऊन आला, उभ्या पिकांमध्ये पूर; अनेक गावांचा संपर्क तुटला; कुठे काय परिस्थिती? विनाकारण धाडस करू नये केले आवाहन

मंगळवेढा टाईम्स न्यूज ।

मंगळवेढा तालुक्यात अतिवृष्टीने शेतकऱ्यांच्या पिकांची अक्षरशः माती झाली आहे. हातातोंडाशी आलेल्या पिकांना आता जागेवरच अंकुर फुटून घटस्थापना झाल्याची स्थिती निर्माण झाली आहे.

उरलीसुरली आशा देखील सततच्या पावसामुळे संपली आहे. पण यावेळी पाऊस त्याचं आक्राळविक्राळ रुप सोबत घेऊन आला आहे.

त्यामुळे मंगळवेढा तालुक्यातील अनेक गावांना या पावसाचा फटका बसताना दिसतोय. अनेक ठिकाणी मुसळधार पावसामुळे शेतीचं नुकसान होताना दिसतंय.

नद्यांना पूर आलेला बघायला मिळतोय. उभ्या पिकांमध्ये पाणी असल्यामुळे पिके आता दिसेनाशी झाली आहेत, मंगळवेढ्याकडे येणाऱ्या अनेक गावांचा संपर्क तुटला आहे.

तालुक्यातील ‘या‘ गावांचा संपर्क तुटला

1) मंगळवेढा-बोराळे, 2 ) बोराळे-राहटेवाडी, 3) सिद्धापुर-तामदर्डी, 4 ) डोणज-भालेवाडी, 5) वाडापुर बंदारा पाण्याखाली, 6) अरली बंदारा पाण्याखाली, 7) अरली सिद्धापूर थोडया वेळात बंद होईल अशी परिस्थिती तालुक्यातील निर्माण झाली आहे.

मंगळवेढा तालुक्यात ढगफुटीसदृश्य पाऊस पडला आहे. त्यामुळे या भागातील अनेक घरांमध्ये पाणी शिरलं आहे. तसेच मुसळधार पावसामुळे बोराळे, डोणज, राहटेवाडी आदी  मार्गावरील पुलावरुन पाणी वाहत आहे. त्यामुळे गावाचा संपर्क तुटला आहे.

पुलावरुन पुराचं पाणी वाहून जात असताना देखील वाहनचालक जीव धोक्यात टाकून जाताना दिसत आहेत. वाहनचालकांच्या या धाडसामुळे दुर्घटना घडण्याची शक्यता आहे. त्यामुळे असं धाडस करु नका, असं आवाहन केलं जात आहे.

त्वरित नुकसान भरपाई द्यावी

मंगळवेढा तालुक्यातील शेतकऱ्यांचे भरून न येणारे प्रचंड नुकसान झाले असून या संदर्भात प्रशासनाने पंचनामे करून शेतकरी बांधवांना त्वरित मदत द्यावी – श्रीमंत केदार, शेतकरी, डोणज

सर्वांत जास्त मंगळवेढा तालुक्यासह आदी ठिकाणी

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज