तुम्ही इयत्ता पाचवी उत्तीर्ण आहात का? प्रशिक्षण घ्या; महिना नऊ हजार मिळवा, १४ वर्षावरील तरुण पात्र असल्यास मिळणार या योजनेचा लाभ; ‘या’ संकेतस्थळावर करा अर्ज

मंगळवेढा टाईम्स न्युज नेटवर्क ।

केंद्र सरकारने राष्ट्रीय अॅप्रेंटिसशिप प्रोत्साहन योजना सुरू केली आहे. या योजनेच्या माध्यमातून महिन्याला नऊ हजारांपर्यंत स्टायपेंड मिळू शकतो. फक्त इयत्ता पाचवी उत्तीर्ण असल्यास या योजनेचा लाभ घेता येतो. या योजनेअंतर्गत तरुणांना उद्योगांमध्ये अप्रेंटिस म्हणून प्रशिक्षण दिले जाते.

उद्योगही या पोर्टलद्वारे अप्रेंटिसची निवड करतात. नॅशनल अप्रेंटिसशिप प्रमोशन स्कीम ही तरुणांना स्वावलंबी बनविण्यासाठी आणि उद्योगांना बळकटी देण्यासाठी एक प्रभावी पाऊल आहे.

ही योजना ‘स्कील इंडिया’ उपक्रमाचा एक भाग असून, भारतातील कौशल्य विकासाला चालना देण्यासाठी महत्त्वपूर्ण योगदान देत आहे. अधिक माहिती हवी असेल, तर वेबसाइटला भेट द्यावी, असे आवाहन अधिकाऱ्यांनी केले आहे.

सरकारची योजना ही १४ वर्षांवरील तरुणांसाठी आहे, ज्यांनी किमान पाचवी उत्तीर्ण केली आहे किंवा त्यापेक्षा जास्त शिक्षण घेतले आहे, ते या योजनेसाठी पात्र ठरू शकतात. याशिवाय आयटीआय उत्तीर्ण विद्यार्थ्यांनाही याचा लाभ घेता येतो.

काय आहे योजना ?

नॅशनल अप्रेंटिसशिप प्रमोशन स्कीम ही भारत सरकारने सुरू केलेली एक योजना आहे. तरुणांना कौशल्य प्रशिक्षण देण्यासाठी आणि त्यांच्या रोजगार क्षमतेत वाढ करण्यासाठी ही योजना तयार करण्यात आली आहे.

या संकेतस्थळावर करा अर्ज

या योजनेचा लाभ घेण्यासाठी उमेदवारांना ऑनलाइन पोर्टल apprenticeshipindia.gov.in या वेबसाइटवर नोंदणी करावी लागते. या ठिकाणी शिक्षण, कौशल्य आणि आवडीनुसार अप्रेंटिसशिपसाठी अर्ज करू शकतात.

उद्योग आणि तरुणांमधील दरी कमी करणे

योजना १९ ऑगस्ट २०१६ रोजी सुरू झाली. या योजनेचा मुख्य उद्देश उद्योग आणि तरुणांमधील दरी कमी करणे हा आहे. या योजनेतून अप्रेंटिसशिपला प्रोत्साहन दिले जाते, त्यामुळे तरुणांना कामाचा अनुभव मिळेल.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स“च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज