अजब गजब कारभार! शिक्षकांच्या कामकाजावर नाराजी व्यक्त करत संस्थाचालकाने शाळेला ठोकले कुलूप

मंगळवेढा टाईम्स न्युज नेटवर्क ।

कै.वामनराव शिंदे आदर्श विद्यालयाच्या मुख्याध्यापकासह शिक्षकांच्या शालेय कामकाजावर नाराजी व्यक्त करत संस्थाचालकाने चक्क कार्यालयासह स्टाफरूम कुलूप बंद केले.

त्यामुळे गेल्या आठवड्याभरापासून मुख्याध्यापकासह शिक्षक कर्मचारी डेली हजेरीपत्रकावर सह्याविना कार्यालयाच्या बाहेर थांबून शालेय कामकाज सुरू आहे.

सांगोला चिंचोली रोडशेजारी कै.वामनराव शिंदेसाहेब आदर्श विद्यालय इयत्ता पाचवी ते दहावीपर्यंत माध्यमिक शाळा कार्यरत आहे.

शाळेत मुख्याध्यापकासह ८ शिक्षक, लिपिक इतर तीन कर्मचारी पदे कार्यरत आहे. विद्यार्थी पटसंख्या १८७ आहे.

दरम्यान, संस्थाचालकांनी मुख्याध्यापक, शिक्षकांना कोणतीही पूर्वसूचना न देता ३१ डिसेंबर २०२४ रोजी संस्थेच्या कार्यालयासह स्टाफ रूम कुलूप बंद केले. त्यामुळे मुख्याध्यापक शिक्षकांची गैरसोय झाली आहे.

संस्थाचालकांनी कार्यालयास कुलूप लावल्याबद्दल मला कसलीही माहिती दिली नाही. त्यामुळे माझ्यासह शिक्षक गेल्या आठवड्यापासून डेली हजेरीपत्रकावर सह्यांविना कार्यालयाच्या बाहेर राहून शालेय कामकाज काम करतात.

शिवाय शाळेचे दैनंदिन कार्यालयीन कामकाजही ठप्प आहे. याबाबत, माध्यमिक शिक्षणाधिकारी सचिन जगताप व सांगोला गटशिक्षणाधिकारी सुयोग नवले यांच्याशी संपर्क साधून तोंडी कळविले होते. त्यांनी एक-दोन दिवस वाट पाहून नंतर काय तो निर्णय घेता येईल, असे मुख्याध्यापक रमेश पवार यांनी सांगितले.

अध्यापन गुणवत्ता पटसंख्या व शिस्तीबाबत मुख्याध्यापक, शिक्षक यांचे कामकाज समाधानकारक नसल्याने मुख्याध्यापकांना यासंदर्भात खुलासा करण्याविषयी पाच लेखी पत्र देऊनही त्यांनी अद्याप खुलासा केला नाही.

मुख्याध्यापक कार्यालयासह स्टाफ रूमसाठी शाळेच्या इमारतीमध्ये दोन खोल्या यापूर्वीच दिल्या आहेत शिवाय शाळेतील विद्यार्थी अध्यापनाचे दैनंदिन कामकाज सुरळीत सुरू आहे. – नीलकंठ शिंदे, संस्था सचिव कै. वामनराव शिंदे आदर्श

विद्यालयाच्या कार्यालयास स्टाफ रूमला कुलूप लावल्याबाबत मला कळविले होते परंतु हा माध्यमिक विभागांतर्गत विषय असल्यामुळे यासंदर्भात शिक्षणाधिकारी यांच्याकडे तक्रार द्यावी, अशी मुख्याध्यापकांना सूचना केली आहे.- सुयोग नवले, प्रभारी गटशिक्षणाधिकारी, सांगोला

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज