टीम मंगळवेढा टाईम्स ।
विधानसभा निवडणुकीसाठी शिवसेनेने त्यांच्या पहिल्या 45 उमेदवारांची यादी जाहीर केली आहे. कोपरी पाचपाखाडी मतदारसंघातून मुख्यमंत्री एकनाथ शिंदे उमेदवार आहेत, तर दर्यापूरमधून अभिजीत अडसूळ यांना उमेदवारी देण्यात आली आहे.
माहिममधून विद्यमान आमदार सदा सरवणकर यांना तिकीट देण्यात आलं आहे. मनसेने काही वेळापूर्वीच त्यांच्या उमेदवारांची घोषणा केली, ज्यात राज ठाकरेंचे पूत्र अमित ठाकरे यांना माहिममधून तिकीट देण्यात आलं आहे, त्यामुळे शिवसेनेने माहिममधून अमित ठाकरेंच्या विरोधात सदा सरवणकर यांना मैदानात उतरवलं आहे.
भाजपप्रमाणेच एकनाथ शिंदेंच्या शिवसेनेनेही बहुतेक सगळ्या विद्यमान आमदारांना पुन्हा एकदा तिकीट दिलं आहे. राजापूरमधून उदय सामंत यांचे बंधू किरण सामंत यांना तिकीट मिळालं आहे. तर उदय सामंत हे रत्नागिरीमधून निवडणूक लढणार आहेत.
शिवसेना शिंदे गटाची संपूर्ण यादी
कोपरी पाचपाखाडी – एकनाथ शिंदे, साक्री (अज) – मंजूळाताई गावित, चोपडा (अज) – चंद्रकांत सोनावणे, जळगाव ग्रामिण – गुलाबराव पाटील, एरंडोल – अमोल चिमणराव पाटील, पाचोरा – किशोर पाटील, मुक्ताईनगर – चंद्रकांत पाटील
जोगेश्वरी (पूर्व) – मनिषा वायकर, चांदिवली – दिलीप लांडे, कुर्ला (अजा) – मंगेश कुडाळकर, माहिम – सदा सरवणकर, भायखळा – यामिनी जाधव, कर्जत – महेंद्र थोरवे, अलिबाग– महेंद्र हरी दळवी, महाड– भरतशेठ मारुती गोगावले
उमरगा– ज्ञानराज धोंडीराम चौगुले, परांडा– डॉ.तानाजी जयवंत सावंत, सांगोला– शहाजी बापू पाटील, कोरेगाव– महेश शिंदे, पाटण– शंभूराज देसाई, दापोली– योगेश कदम, रत्नागिरी– उदय सामंत, राजापुर– किरण सामंत, सावंतवाडी– दीपक केसरकर, राधानगरी– प्रकाश आबिटकर
करवीर– चंद्रदिप नरके, बुलढाणा – संजय गायकवाड, मेहकर (अजा) – डॉ. संजय रायमुलकर, दर्यापूर (अजा) – अभिजित अडसूळ, रामटेक – आशिष जैस्वाल, भंडारा (अजा) – नरेंद्र भोंडेकर, दिग्रस – संजय राठोड
नांदेड उत्तर – बालाजी कल्याणकर, कळमनुरू – संतोष बांगर, जालना – अर्जून खोतकर, सिल्लोड – अब्दुल सत्तार, खानापुर– सुहास बाबर, छत्रपती संभाजीनगर मध्य – प्रदीप जैस्वाल, छत्रपती संभाजीनगर पश्चिम (अजा) – संजय शिरसाट
पैठण – विलास भूमरे, वैजापूर – रमेश बोरनारे, नांदगाव – सुहास कांदे, मालेगाव बाह्य – दादाजी भुसे, ओवळा माजीवडा – प्रताप सरनाईक, मागाठाणे – प्रकाश सुर्वे
कुणाला वेट अॅण्ड वॉच ?
डॉ. बालाजी किणीकर हे अंबरनाथ मतदारसंघातून मागील सलग तीन टर्म आमदार असून यंदा चौथ्या टर्मसाठी त्यांची तयारी सुरू आहे. शिवसेनेत फूट पडल्यानंतर सुरतमार्गे गुवाहाटीला जाणाऱ्या सुरुवातीच्या आमदारांमध्येही बालाजी किणीकर यांचा समावेश होता.
तसंच पक्षाचं खजिनदारपद सुद्धा किणीकर यांच्याकडेच आहे. त्यामुळे पहिल्या यादीतच त्यांची उमेदवारी जाहीर होईल, अशी अपेक्षा होती. मात्र मंगळवारी जाहीर झालेल्या पहिल्या यादीत किणीकर यांचं नाव नसल्यामुळे अंबरनाथ शहरात चर्चांना उधाण आलं आहे.
बालाजी किणीकर यांना शिवसेना शिंदे गटातल्याच एका मोठ्या गटाचा विरोध असून किणीकर यांना उमेदवारी दिल्यास आम्ही काम करणार नाही, अशी भूमिका या गटाने घेतली आहे. कदाचित त्यामुळेच तर किणीकर यांची उमेदवारी लांबणीवर पडली नाही ना? अशी चर्चा सध्या अंबरनाथमध्ये सुरू आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
