बाबो..! पत्नीपासून बँकॉक ट्रिप लपविण्यासाठी पासपोर्टमध्ये फेरफार; मुंबई विमानतळावर अटक

टीम मंगळवेढा टाईम्स ।

कामकाजानिमित्त बँकॉकला गेल्याची माहिती पत्नीपासून लपविण्यासाठी पासपोर्टमध्ये फेरफार करणे एका व्यावसायिकाच्या अंगलट आले. या प्रकरणी सहार पोलिसांनी त्याला अटक केली आहे. तुषार पवार (वय ३३) असे आरोपीचे नाव असून तो मूळचा साताऱ्याचा आहे.

तुषार हा व्यावसायिक असून कामानिमित्त अधूनमधून परदेशात जात असे. २०२३ ते २०२४ या कालावधीत तो तीन वेळा बँकॉकला गेला होता. मात्र, त्याने पत्नीला सांगितले नव्हते.

पासपोर्टवरील एन्ट्री पत्नीने पाहिल्यास घरात भांडण होईल, या भीतीपोटी तुषारने पासपोर्टमध्ये फेरफार केला. तो कामानिमित्त एका क्लायंटसोबत बँकॉकला जाण्यास निघाला.

त्यावेळी विमानतळावरील इमिग्रेशन अधिकाऱ्याला पूर्वी प्रवास केलेल्या पासपोर्टमधील १२ पानांच्या एन्ट्रीमध्ये फेरफार केल्याचे आढळून आले.

त्याला त्याबाबत विचारणा केली, तेव्हा त्याने मित्राबरोबर २०२३ वा २०२४ मित्रासोबत थायलंडला प्रवास केल्याचे सांगितले.

पत्नीपासून प्रवासाची माहिती लपविण्यासाठी फेरफार केल्याची माहिती त्याने दिल्याचे अधिकाऱ्याने सांगितले.

या प्रकरणी पोलिसांनी फसवणूक आणि भारतीय पासपोर्ट कायद्यान्वये गुन्हा दाखल करून तुषार पवारला अटक केली. सध्या तो न्यायालयीन कोठडीत आहे.

अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262

“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.

मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.

बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.

बातम्या सर्वप्रथम जाणून घेण्याकरिता लाईक करा आमचे फेसबुक पेज