टीम मंगळवेढा टाईम्स ।
स्वतःच्या खात्यावर पैसे नसताना खातेदारांचे परस्पर व्यवहार करून वैयक्तिक कारणासाठी ५ लाख ३९ हजार रुपये वापरले.
याप्रकरणी मंदूप पोलिसांनी पोस्ट खात्याची व खातेदाराची फसवणूक केल्याप्रकरणी माळकवठे (ता.द. सोलापूर) येथील शाखा डाकपालाविरोधात गुन्हा दाखल केला आहे.
दरम्यान, प्रफुल्ल अरूण बंगाळे (वय ४३, रा. रो हाऊस नंबर १३२, पश्चिम रत्न, मंजिरी नगर, गणेश नाईक प्रशालेजवळ, सोलापूर) यांनी दिलेल्या फिर्यादीनुसार शकील नबीलाल शेख (वय ४०, रा.मंदूप, ता. द. सोलापूर) या शाखा डाकपालाविरोधात १० मे २०२४ रोजी दहा वाजता गुन्हा दाखल झाला आहे.
याबाबत पोलिसांनी सांगितले की,सध्या निलंबित असलेला शकील शेख हा माळकवठे येथील शाखा डाकघर कार्यालयात शाखा डाकपाल म्हणून कार्यरत होता. त्याच्या खात्यात ५ लाख ३९ हजार रुपयांची रक्कम जमा नव्हती.
तेवढी रक्कम त्यांनी खातेदारांचे परस्पर व्यवहार करून वैयक्तिक कारणासाठी वापरल्याचे चौकशीत लेखी कबूल केले आहे. २५ ऑगस्ट २०२३ रोजी जादा शिल्लक रक्कम त्यांनी
मंद्रुप पोस्ट कार्यालयात जमा करणे आवश्यक असताना त्यांनी तसे न करता १ लाख ४८ हजार रुपये २८ ऑगस्ट २०२३ रोजी व ३ लाख ९१ हजार रुपये २९ ऑगस्ट २०२३ रोजी मंद्रुपच्या पोस्टात भरली. ही बाब त्यांनी त्यांच्या २८ व २९ च्या लेखी जबाबात कबूल केली आहे.
खातेदार सरस्वती बसवराज नदर्गी यांच्या बचत खात्यातून परस्पर स्वतः डिपॉझिट स्लिप भरून पैसे जमा करून ते पैसे त्यांच्या परस्पर त्याच्या नावे असलेल्या पोस्टाचे एटीएम वापरून काढून घेतले.
त्यानंतर खातेदार नामदेव शांतप्पा मेनसंगी यांच्या खात्यात परस्पर स्लिप भरून पैसे जमा करून ते पैसे परत एटीएमद्वारे काढून घेतले. याप्रकरणी मंद्रुप पोलिस ठाण्यात नोंद झाली असून पुढील तपास हेड कॉन्स्टेबल गुरव हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
