टीम मंगळवेढा टाईम्स।
अवघ्या भारताला हादरवून सोडणारी बातमी समोर आली आहे. संसदेचं अधिवेशन सुरु असताना दोन व्यक्तींनी संसद परिसरात गोंधळ घातला. या दोघांनी आधी संसदेबाहेर फटाके फोडले.
त्यानंतर दोघेही लोकसभेत गेले. तिथे त्यांनी व्यक्ती लोकसभेत जात गोंधळ घातला. प्रेक्षक गॅलरीतून दोघांनी उड्या मारल्या आणि सभागृहात एकच गोंधळ उडाला. संसदेतील या गोंधळाचं महाराष्ट्र कनेक्शन समोर आलं आहे.
संसदेत शिरणारा महाराष्ट्रातील आहे.संसदेत गोंधळ घालणारी व्यक्ती महाराष्ट्रातील लातूर जिल्ह्यातील आहे, अशी माहिती समोर आली आहे.
संसदेतील गोंधळाचं महाराष्ट्र कनेक्शन
संसदेत जात दोन व्यक्तींनी गोंधळ घातला. यातील एक व्यक्ती आपल्या महाराष्ट्रातील असल्याचं समोर आलं आहे. ही व्यक्ती लातूर जिह्यातील असल्याची माहिती आहे. अमोल शिंदे असं या व्यक्तीचं नाव आहे. या दोन व्यक्तींनी जेव्हा गोंधळ घातला. तेव्हा भारत माता की जय, संविधान बचावच्या घोषणा देण्यात आल्या.
संसदेत गोंधळ नेमकं काय झालं?
संसदेचं कामकाज सुरु असताना दोन अज्ञात व्यक्तींनी लोकसभेत उडी घेतली. प्रेक्षक गॅलरीतून अज्ञातांनी लोकसभेत उडी मारली. यावेळी त्यांच्याकडे स्मोक कँडल होती. अज्ञातांनी स्मोक कँडल वापरल्याने मंत्री आणि खासदारांचा गोंधळ उडाला. त्यानंतर सगळे खासदार सभागृहाबाहेर पडले.
लातूरमधील अमोल शिंदे नावाचा तरूण ताब्यात घेण्यात आलं आहे. संसदेच्या बाहेर निदर्शनं करणारी नीलम नावाची महिला पोलिसांच्या ताब्यात आहे. हरयाणातील महिला पोलिसांच्या ताब्यात आहे. ज्या लोकांनी गोंधळ घातला. ते मैसूरचे प्रतापराव सिंह खासदाराच्या पासवर हे लोक संसदेत आले होते. तर मध्यप्रदेशमधील खासदारांच्या मदतीने हे पास बनवण्यात आले होते. या प्रकरणाची आता आयबी टीमकडून चौकशी होत आहे. काही वेळासाठी संसदेचं कामकाज स्थगित केलं गेलं .
महाराष्ट्र अलर्टवर
महाराष्ट्राच्या विधिमंडळाचंही सध्या अधिवेशन सुरु आहे. या सगळ्या पार्श्वभूमीवर महाराष्ट्रात विधानभवनाचीही सुरक्षा वाढवण्यात आली आहे.महाराष्ट्रात सभागृहात येण्यासाठी एका आमादाराच्या पासवर केवळ दोघांनाच सभागृहात येता येणार आहे.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
