टीम मंगळवेढा टाईम्स।
जमिनीच्या वादातून भावांमध्ये झालेल्या भांडणाच्या वेळी मोठ्या भावाने केलेल्या मारहाणीत मधल्या भावाचा मृत्यू झाल्याची घटना उघडकीस आली आहे.
मारहाण प्रकरणी लहान भावासह त्याच्या पत्नीवर मंगळवेढा पोलिस ठाण्यात गुन्हा दाखल करण्यात आला आहे.
याबाबत मृताच्या लहान भावाने तक्रार दिली आहे. शिवाजी बजरंग थोरबोले व सखुबाई शिवाजी थोरबोले (रा.रेड्डे ता.मंगळवेढा) असे गुन्हा दाखल झालेल्या आरोपींची नावे आहेत.
नामदेव बजरंग थोरबोले (वय.50 रा.रेड्डे ता.मंगळवेढा) असे मारहाणीत मृत्यू झालेल्या मोठ्या भावाचे नाव असून याप्रकरणी दिगंबर बजरंग थोरबोले (वय.42) यांनी फिर्याद दिली आहे.
ही घटना दि.5 नोव्हेंबर रोजी दुपारी 4.30 च्या सुमारास निंबोणी ते रेड्डे जाणारे रोडवर जगन्नाथ पाटील यांचे शेता जवळील मोबाईल टावर जवळ ता. मंगळवेढा येथे घडली आहे.
याबाबत पोलीस सूत्रांकडून मिळालेली अधिक माहिती अशी की, वरील तारखेस वेळी व ठिकाणी वरील आरोपी यांनी शेताचे वाटणीचे कारणावरून भाऊ नामदेव बजरंग थोरबोले (वय 50 वर्ष राहणार रेड्डे तालुका मंगळवेढा) यास हाताने केलेल्या मारहाणीमुळे
शरीराचे अंतर्गत भागास मार लागल्याने त्यातच त्याचा मृत्यू झालेला आहे तसेच फिर्यादीस गळ्यास बोचकारले आहे म्हणून गुन्हा दाखल करण्यात आला आहे.
याप्रकरणी भादवी कलम 304,323,34 प्रमाणे गुन्हा दाखल झाला असून या घटनेचा अधिक तपास पोसई शेख हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
मराठी बातम्या, ब्रेकिंग न्यूज मराठीत सर्वात आधी Mangalwedha Times वर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट मंगळवेढा टाईम्स.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
