टीम मंगळवेढा टाईम्स ।
उपनिबंधक कार्यालयाकडे आलेल्या तक्रारीनुसार महिला वकिलाच्या घर झडती दरम्यान घरात पाच ते सहा कोरे चेक आढळल्याने महिलेविरुद्ध महाराष्ट्र सावकारी अधिनियमानुसार गुन्हा दाखल करण्यात आला आहे.
याबाबत सोलापूर उपनिबंधक कार्यालयातील सहकार अधिकारी विश्वनाथ नाकेदार यांनी जोडभावी पेठ पोलीस ठाण्यात दिली आहे
या फिर्यादीवरून अँड.गुरुदेवी रेवनसिद्ध कुदरी (रा.भवानी पेठ, मंडी वस्ती ) हिच्यावर गुन्हा दाखल झाला आहे.
जिल्हा उपनिबंध कार्यालयाकडे आरोपी कुदरी ही लोकांना जादा दराने व्याजाने पैसे देऊन त्यांच्याकडून कोरे चेक व कागदपत्रे ठेवून घेत असल्याची तक्रार एका महिलेने दिली होती.
या तक्रारीवरून उपनिबंधक कार्यालयाकडून कुदरी यांच्या घराची पंचांसमक्ष झडती घेतली. यात जवळपास पाच ते सहा जणांचे नावाचे कोरे चेक आढळले.
या घटनेचा पंचनामा करून उपनिबंधक कार्यालयाकडून नाकेदार यांनी फिर्याद दिली आहे. या फिर्यादीवरून अॅड . कुदरी यांच्यावर गुन्हा दाखल झाला आहे. घटनेचा तपास सपोनि पवार हे करत आहेत. (स्रोत:लोकमत)
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
