टीम मंगळवेढा टाईम्स ।
विधान परिषद निवडणुक निकालाची महत्त्वाची माहिती समोर आली आहे. देवेंद्र फडणवीस यांचा प्लान यशस्वी ठऱला असून भाजपचे पाचही उमेदवार विजयी झाले आहेत.
श्रीकांत भारतीय, राम शिंदे, प्रविण दरेकर, उमा खापरे आणि प्रसाद लाड हे पाचही उमेदवार विजयी झाले आहेत. राष्ट्रवादीचे रामराजे निंबाळकर, एकनाथ खडसे, शिवसेनेचे आमशा पाडवी, काँग्रेसचे भाई जगताप शिवसेनेचे सचिन अहिर हे पाच उमेदवार विजयी झाले असून चंद्रकांत हांडोरे यांना मात्र अपयशाला सामोरं जावं लागलं आहे.
देवेंद्र फडणवीस आणि त्यांच्या टीमने हा चमत्कार घडवून आणल्याचं म्हटलं जात आहे. विधान परिषदेच्या 10 जागांसाठी मतदान प्रक्रिया पार पडली.
10 जागांसाठी 11 उमेदवार मैदानात असल्यामुळे त्यातच गुप्त मतदान असल्यामुळे कोणत्या पक्षाचा उमेदवार निवडून येणार याची कमाली उत्सुकता शिगेला पोहोचली होती.
राज्यसभा निवडणुकीमध्ये देवेंद्र फडणवीस यांनी चमत्कार घडवत भाजपचे तिन्ही उमेदवार विजयी झाले होते. त्यामुळे शिवसेनेचे उमेदवार संजय पवार पराभूत झाले होते.
त्यामुळे विधान परिषदेसाठी मुख्यमंत्री उद्धव ठाकरे यांनी सर्व सूत्र आपल्या हातात घेतली होती. त्यांनी सर्व आमदार आपल्याच देखरेखीखाली ठेवली होती.
मतदानाच्या दिवशीही मुख्यमंत्र्यांनी सर्व आमदारांशी चर्चा करूनच मतदानाला पाठवले होते. यावेळी शिवसेनेनं कोणताही दगाफटका नको म्हणून आपल्याच आमदारांच्या संख्याबळावर आपले उमेदवार विजयी करण्यावर भर दिला होता.
भाजपचे पाचही उमेदवार विजयी
भाजपने विधान परिषदेसाठी एकूण पाच उमेदवार दिले होते. भाजपच्या संख्याबळानुसार त्यातील चार उमेदवार विजयी होणार हे निश्चित होतं. त्यानुसार विधान परिषदेतील विद्यमान विरोधी पक्षनेते प्रवीण दरेकर,
माजी मंत्री राम शिंदे, श्रीकांत भारतीय आणि उमा खापरे विजयी ठरल्या आहेत. पण भाजपचा पाचवा उमेदवारही विजयी झालाय.
प्रसाद लाड यांचा विजय
भाजपचे प्रसाद लाड यांचा पराभव होणार असा दावा महाविकास आघाडीच्या नेत्यांकडून केला जात होता. मात्र, भाजपनं पुन्हा एकदा महाविकास आघाडीला धक्का दिलाय. भाजपचे प्रसाद लाड विधान परिषद निवडणुकीत विजयी झाले आहेत.
यामध्ये अखेरच्या क्षणी काँग्रेसच्या भाई जगताप आणि भाजपच्या प्रसाद लाड यांनी बाजी मारली. पण काँग्रेस चेच दुसरे उमेदवार चंद्रकांत हंडोरे यांना अनपेक्षित पणे पराभवाचा सामना करावा लागला. हाती संख्याबळ नसताना देखील भाजपने विजय मिळवला. देवेंद्र फडणवीस यांची चाणक्य नीती पुन्हा एकदा दिसून आली.
राष्ट्रवादी कॉंग्रेसचे रामराजें निंबाळकर, एकनाथ खडसे शिवसेनेचे आमशा पाडवी आणि सचिन अहीर, भाजपचे श्रीकांत भारतीय, राम शिंदे, उमा खापरे, आणि प्रवीण दरेकर यांचा विजय झाला. ही सर्व मते पहिल्या पसंतीची होते.
काँग्रेसचे भाई जगताप आणि भाजपचे प्रसाद लाड यांच्यात खरी काटे की टक्कर होती. मात्र दोघांच्या लढाईत चंद्रकांत हंडोरे पराभूत झाले. काँग्रेस च्या दोन्ही उमेदवारांना आपला 26 मतांचा कोटाही पूर्ण करता आला नाही. महाविकास आघाडीची हा मोठा धक्का मानला जात आहे. तसेच या निकालामुळे महाविकास आघाडीत एकी नाही हे पुन्हा एकदा दिसून आले.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
