टीम मंगळवेढा टाईम्स ।
श्री.संत दामाजी सहकारी साखर कारखान्याच्य पंचवार्षिक निवडणुकीसाठी ३७३ उमेदवारांच्या दाखल केलेल्या ४९९ उमेदवाराची छाननी शुक्रवारी झाली. त्यामध्ये ३ अर्ज अवैध ठरले ९६ अजांवरील निकाल राखून ठेवला.
विद्यमान चेअरमन समाधान आयताडे यांच्यासह संचालक मंडळाच्या उमेदवारी अर्जावर हरकत घेतल्याने वातावरण तापले होते.
मंगळवेढा उत्पादक गटातून संचालक राजेंद्र सुरवसे यांनी कारखान्यास ऊस न पाठवल्याने राहुल शहा, अजित जगताप, सोमनाथ बुरजे, चंद्रशेखर कोडुभैरी यांच्या अर्जावर हरकती घेतल्या.
अजित जगताप, चंद्रशेखर कोंडुभैरी यांनी संचालक बबनराव आवताडे, महादेव लवटे, संजय पवार, भुजंग आसबे यांना वगळून मंगळवेढा ऊस उत्पादक गटातील उमेदवारावर बळीराजा पतसंस्थेचे थकबाकीदार असल्याचे दाखले जोडून हरकत नोंदवली.
त्यापाठोपाठ उर्वरित सर्व गटातील आमदार समाधान आवताडे यांच्या विरोधी गटातील समविचारी पदाधिकाऱ्यांनी संचालक मंडळाच्या उमेदवारी अर्जावर हरकत घेतल्या.
आमदार आवताडे गटाने वकिलामार्फत वैयक्तिक थकबाकीदार नसल्याचा युक्तीवाद अप्पासाहेब समिंदर यांच्यासमोर केला. यावर अंतिम निर्णय झाला नाही.
मंगळवेदा ३९, ब्रम्हपुरी ४६, मरवडे २४, भोसे ३३, आंधळगाव २७, महिला राखीय ४३, संस्था -६, भटक्या विमुक्त जाती ३२. मागासवर्गीय २२ , इतर मागासवर्गीय २८ याप्रमाणे ३ ९ २ उमेदवारांचे अर्ज मंजूर झाले.
मंगळवेढा गट , इतर मागासवर्गीय , भटक्या विमुक्त जाती मतदार संघातील प्रत्येकी १ अर्ज नामंजूर झाले.
मंगळवेढा- १३ , ब्रम्हपुरी -१५ मरवडे -२० भोस १३. आंधळगाव- १० , महिला राखीव १ ९ , संस्था -२ , मागासवर्गीय -४ अशा हरकती घेतलेल्या ९६ उमेदवारांचे निकाल राखून ठेवण्यात आला आहे.
आज शनिवारी निकाल अपेक्षित आहे. अंतिम उमेदवारांची यादी १३ जून रोजी प्रसिध्द होणार आहे. परिचारक गटाच्या दोन उमेदवारांच्या विरोधात हरकती आहेत.(स्रोत:दिव्य मराठी)
दरम्यान, हरकती घेताना अनुचित प्रकार घडू नये यासाठी डी . वाय . एस . पी . राजश्री पाटील यांच्या मार्गदर्शनाखाली पोलीस निरीक्षक रणजित माने यांनी चोख पोलीस बंदोबस्त ठेवला होता.
दिवसभर प्रांत कार्यालयात निवडणूक उमेदवारांनी मोठी गर्दी केली होती. आक्षेप अर्जाची संख्या ९६ इतकी आहे . सर्वाधिक २० आक्षेप मरवडे गटातून आले आहेत.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
