टीम मंगळवेढा टाईम्स ।
मरवडे येथे घरासमोर असलेल्या विदयुत वायरचा करंट लागून एका ४० वर्षीय इसमाचा मृत्यू झाला असून विष्णू सुखदेव दोलतोडे असे मृत पावलेल्या तरूणाचे नाव आहे.
या घटनेची मंगळवेढा पोलिसात आकस्मात मयत अशी नोंद झाली आहे.
पोलिस सुत्रांनी दिलेली माहिती अशी , यातील खबर देणारे मल्हारी दोलतोडे यांचे चुलत भाऊ विष्णू दोलतडे हे
दि.१४ मे रोजी सकाळी झोपेतून उठून दात घासत त्यांचे घराच्या समोर उभा असताना घरात घेतलेल्या लाईनच्या वायरला नजर चुकीने चेहरा लागल्याने त्यांना करंट बसला.
लाईटचा करंट बसल्याने ते चिकटून राहिले. मयताची पत्नी संगीता यांच्या लक्षात येताच त्यांनी लाकडी दांडग्याने हातावर मारून त्यांची सुटका केली.
बेशुध्द अवस्थेत अधिक उपचारासाठी मंगळवेढा येथील खाजगी दवाखान्यात दाखल करण्यात आले.
मात्र डॉक्टरांनी तपासून ते मयत झालयाचे सांगितले. याचा अधिक तपास पोलिस हवालदार महेश कोळी हे करीत आहेत.
अशाच महत्वपूर्ण बातम्या आणि माहीती मनोरंजन मिळवा तुमच्या व्हॉट्सअँप ग्रूपमध्ये, त्यासाठी पुढील नंबर तुमच्या ग्रुपमध्ये समाविष्ट करा – 9970766262
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
