टीम मंगळवेढा टाईम्स । ब्रम्हपुरी ता.मंगळवेढा येथील आदर्श पत्रकार प्रमोद दिलीप बिनवडे यांना पत्रकारीता क्षेत्रात उल्लेखनिय कार्य केल्याबद्दल अत्यंत मानाचा समजला जाणारा मुंबई येथील राज्यस्तरीय गुणिजन गौरव महासंमेलन 2020 आयोजित “मनुष्यबळ विकास लोकसेवा अकादमी” यांच्या वतीने दिला जाणारा “राज्यस्तरीय आदर्श दर्पणरत्न पत्रकार 2020” हा पुरस्कार जाहीर झाला असल्याची माहिती मुंबई येथील मनुष्यबळ विकास लोकसेवा अकादमीचे संस्थापक-अध्यक्ष अॅड.कृष्णाजी जगदाळे यांनी दिली.
सुरवातीला हा राज्यस्तरीय गुणिजन गौरव महासंमेलन हे दि.1 मे 2020 रोजी मुंबई येथे मोठ्या उत्साही वातावरणात साजरे होणार होते.परंतू कोरोनाच्या पार्श्वभूमीवर लाॅकडाऊन जाहीर झाल्यानंतर या संमेलनाची तारीख बदल्यात आली होती.
आता हा कार्यक्रम मुंबई येथील त्यांच्या झूम मिटिंग अँपवर आॅनलाईन पध्दतीने दि.30 ऑगस्ट रोजी साजरा होणार आहे.या पुरस्काराचे स्वरूप आकर्षक सन्मानचिन्ह, लक्षवेधी गौरवपदक, विशेष महावस्त्र,खास मानपत्र, मानकरी बॅच आणि मानाचा फेटा असे असून नामवंत पाहुण्यांच्या प्रमुख उपस्थितीत पुरस्कार ऑनलाईन सोहळ्यात प्रदान करण्यात येणार आहे.
पत्रकार प्रमोद बिनवडे यांना या पुर्वी नवी दिल्ली येथील अखिल भारतीय दलित साहित्य अकादमीच्या वतीने दिला जाणारा डाॅ.बाबासाहेब आंबेडकर राष्ट्रीय फेलोशिप सन्मान पुरस्कार,मंगळवेढा येथील दामाजी न्युज चॅनलचा आदर्श पत्रकार पुरस्कार,सा.मंगळवेढा दणका चा आदर्श पत्रकार पुरस्कार तसेच आता हा राज्यस्तरीय दर्पनरत्न पत्रकार पुरस्कार जाहीर झाला आहे.
हा पुरस्कार जाहीर झाल्याबद्दल मुंबई येथील मनुष्यबळ विकास लोकसेवा अकादमीचे संस्थापक-अध्यक्ष अॅड कृष्णाजी जगदाळे,संमेलनाचे कार्याध्यक्ष प्रकाश सावंत,संमेलनाचे स्वागत अध्यक्ष के.एल.गोगावले यांनी प्रमोद बिनवडे यांचे अभिनंदन केले.
Pramod Binwade was awarded the state level Adarsh Darpanratna Patrakar Award in Mumbai
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज
