टीम मंगळवेढा टाईम्स ।
मंगळवेढा तालुक्यातील मारोळी येथील दोन बंद घराचां कडीकोयंडा तोडून चोरट्याने सोन्याचे दागिने व रोकड असा ६२ हजार ४०० रुपयांचा ऐवज लंपास केला.
पहाटे साडेपाच वाजता या घटना उघडकीस आल्या. यातील फिर्यादी संपता लक्ष्मण पांढरे हे सोमवारी रात्री दहा वाजता जेवणानंतर झोपी गेले.
पहाटे झोपतून उठल्यानंतर घराचा दरवाजा उघडा दिसला. तसेच घरातील साहित्य अस्ताव्यस्त पडलेले होते.
स्वयंपाकघरात ठेवलेल्या डब्यातील १२ हजारांचे अर्ध्या तोळ्याचे बोरमाळ, १२ हजारांचे अर्धा तोळ्याचे झुबे, ४८०० रुपयांची चार ग्रॅमची अंगठी, ३६०० रुपयांचे दोन बदाम,
तीन हजारांचे चांदीचे पैंजण असे सोन्याचांदीचे दागिने , हजारांची रोकड असा ३४ हजार ४०० रुपयांचा ऐवज गायब होता.
तसेच त्यांचे शेजारी मारुती शिंदे यांचे घरातील १८ हजारांचे दीड तोळ्याचे दागिने व १० हजारांची रोकड चोरट्याने चोरुन नेली.
याप्रकरणी येथील पोलिसांत गुन्हा दाखल केला आहे. सहाय्यक पोलिस निरीक्षक सत्यजित आवटे तपास करीत आहेत.
“मंगळवेढा टाईम्स”च्या बातम्या मिळविण्यासाठी 9970766262 हा नंबर तुमच्या व्हॉट्सऍपवर ग्रुपवर ऍड करून फक्त एक मेसेज करा.
बातम्या सर्वप्रथम जाणून घेण्याकरिता व्हाट्सअप ग्रुप जॉईन करा.
बातम्या सर्वप्रथम जाणून घेण्याकरिता लाईक करा आमचे फेसबुक पेज